करदाता संख्या ७० लाख नाघ्यो, प्यान लिने सर्वाधिक

अर्थतन्त्र

गृहपृष्ठ
अर्थतन्त्र

करदाता संख्या ७० लाख नाघ्यो, प्यान लिने सर्वाधिक

क्यापिटल नेपालबुधबार, माघ १६, २०८१

काठमाडौं। आन्तरिक राजस्व विभागले करदाता संख्या ७० लाख नाघेको विवरण सार्वजनिक गरेको छ। विभागका अनुसार चालू आर्थिक वर्ष २०८१÷८२ को ६ महिनामा ७० लाख ३६ हजार ६८३ करदाता दर्ता भएका हुन्।

विभागमा दर्ता भएका करदातामध्ये सबैभन्दा धेर्र व्यक्तिगत स्थायी लेखा नम्बर (प्यान) लिनेको संख्या रहेको छ। पारिश्रमिक भुक्तानीसहितका कारोबारमा प्यान अनिवार्य गरिएकाले संख्या बढी भएको हो। गत कात्तिकदेखि पुससम्म प्यान नम्बर लिनेको संख्या १ लाख ४२ हजार ६०२ रहेको छ।

अनुसार पुससम्म व्यावसायिक स्थायी लेखा नम्बर लिनेको संख्या १९ लाख ९३ हजार ७२४ पुगेको छ भने पछिल्लो तीन महिनामा २८ हजार ८६ जनाले प्यान नम्बर लिएका छन्।

मूल्य अभिवृद्धि कर (भ्याट) मा दर्ता भएका करदाता संख्या ३ लाख ३८ हजार ३१६ पुगेको छ। पछिल्लो तीन महिनामा भ्याटमा ५ हजार ४ सय ४५ करदाता दर्ता भएका छन्। अन्तःशुल्क इजाजततर्फ १ लाख २१ हजार ६८२ करदाता दर्ता भएको विभागको तथ्यांकमा उल्लेख छ।

पछिल्लो तीन महिनामा १ हजार ८७१ करदाता थप भएका छन्।

स्थायी लेखा नम्बर लिने करदाता ३४ हजार ६ ३८ पुगेका छन्। पछिल्लो तीन महिनामा ५७३ नयाँ करदाता थपिएको विभागको विवरणमा उल्लेख छ।

प्रकाशित मिति: बुधबार, माघ १६, २०८१ ०६:५९

प्रतिक्रिया दिनुहोस्