प्लास्टिक र ठोस फोहोरबाट धादिङको री गाउँमा सामुदायिक पुनर्चक्रण केन्द्र स्थापना

उद्योग

गृहपृष्ठ
उद्योग

प्लास्टिक र ठोस फोहोरबाट धादिङको री गाउँमा सामुदायिक पुनर्चक्रण केन्द्र स्थापना

क्यापिटल नेपालआइतबार, चैत ३१, २०८१

धादिङ। नेपालको पहाडी क्षेत्रमा प्लास्टिक फोहोर र निर्माण सामग्रीको अभावलाई सम्बोधन गर्न क्याम्ब्रिज विश्वविद्यालय र इम्प्याक्ट हब काठमाडौंसँगको साझेदारीमा पारामेन्डो नेपालले धादिङको री गाउँमा सामुदायिक पुनर्चक्रण केन्द्र सफलतापूर्वक स्थापना गरेको छ।

यो प्रयास रूपान्तरणकारी प्लास्टिक-टु-घर (पीटूजी) परियोजनाको एक हिस्सा हो। जसले प्लास्टिक फोहोरलाई टिकाउ निर्माण सामग्रीमा रूपान्तरण गरेर गोलाकार अर्थतन्त्र सिर्जना गर्ने लक्ष्य राखेको छ।

प्लास्टिक हिट प्रेस मेसिन, श्रेडर, राउटर र टेबल आराको स्थापनासँगै, सामुदायिक पुनर्चक्रण केन्द्रले प्रतिदिन लगभग १.५ टन फोहोर प्लास्टिक प्रशोधन गर्न सक्छ। अब घर र अन्य आवश्यक संरचनाका लागि दिगो निर्माण सामग्रीमा फोहोरलाई पुनः प्रयोग गर्ने उपकरण छन्।

दीर्घकालीन सफलता सुनिश्चित गर्न, पारामेन्डो नेपालले स्थानीय गाउँलेलाई व्यापक सुरक्षा र सञ्चालन तालिम प्रदान गयो। उनीहरूलाई केन्द्रलाई स्वतन्त्र रूपमा व्यवस्थापन र दिगो राख्ने सीप प्रदान गर्दै यो पहलले वातावरणीय प्रदूषणलाई मात्र कम गर्दैन। तर, नेपालको ग्रामीण आवास चुनौतीका लागि नवीन समाधान पनि प्रदान गर्दछ।

पिटूजी परियोजनामार्फत पारामेन्डो नेपाल र यसका साझेदारले स्थानीय
समुदायलाई सशक्त बनाउने, वातावरणीय जिम्मेवारीलाई प्रवर्द्धन गर्ने र लचिलो आवास समाधानमा योगदान पुऱ्याउने आत्मनिर्भर मोडेललाई बढावा दिइरहेका छन्।

प्रकाशित मिति: आइतबार, चैत ३१, २०८१ १५:३२

प्रतिक्रिया दिनुहोस्