बिमस्टेक कृषिमन्त्री स्तरीय बैठक बुधबार काठमाडौँमा

कृषि

गृहपृष्ठ
कृषि

बिमस्टेक कृषिमन्त्री स्तरीय बैठक बुधबार काठमाडौँमा

क्यापिटल नेपालमंगलबार, चैत २६, २०८१

काठमाडौं। बिम्स्टेक कृषि मन्त्रिस्तरीय बैठक बुधबार काठमाडौंमा बस्ने भएको छ। बैठकमा सहभागी हुन सदस्य राष्ट्रका कृषिसँग सम्बन्धित मन्त्रीहरू काठमाडौं आउँदै छन्।

यसअघि सचिव स्तरीय बैठक काठमाडौंमा बसेको कृषि तथा पशुपन्छी विकास मन्त्री रामनाथ अधिकारीको सचिवालयले जनाएको छ। बैठकमा बिम्स्टेक राष्ट्रका कृषिसँग सम्बन्धित सचिव सहभागी थिए।

सचिव स्तरीय बैठकले मन्त्री स्तरीय बैठकका प्रस्ताव तय गरेको जनाइएको छ। बिम्स्टेक सदस्य रहेका सात राष्ट्रमध्ये तीन राष्ट्रका कृषि मन्त्री बैठकमा सहभागी हुने र बाँकी राष्ट्रका मन्त्रीले भर्चुअल रुपमा सहभागिता जनाउने मन्त्रालयले जनाएको छ।

बुधबार हुने मन्त्री स्तरीय बैठकको अध्यक्षता कृषि तथा पशुपन्छी विकास मन्त्री रामनाथ अधिकारीले गर्ने छन्। बैठकमा सहभागी हुन भारत र भुटानका कृषि मन्त्री आज बेलुकी काठमाडौं आइपुग्ने कार्यक्रम छ।

बैठकमा सदस्य राष्ट्रमा कृषिको अवस्था, चुनौती र सहकार्यमा छलफल हुने मन्त्रालयले जनाएको छ।

प्रकाशित मिति: मंगलबार, चैत २६, २०८१ १८:५६

प्रतिक्रिया दिनुहोस्