वित्तीय संस्था कर्मचारी संघको प्रभातफेरी, वित्तीय क्षेत्रलाई ‘शान्ति क्षेत्र’ घोषणा माग

उद्योग

गृहपृष्ठ
उद्योग

वित्तीय संस्था कर्मचारी संघको प्रभातफेरी, वित्तीय क्षेत्रलाई ‘शान्ति क्षेत्र’ घोषणा माग

क्यापिटल नेपालशुक्रबार, चैत २२, २०८१

काठमाडौं। नेपाल वित्तीय संस्था कर्मचारी संघले स्थापनाको ३५औं वर्ष अवसरमा काठमाडौंमा प्रभातफेरी कार्यक्रम सम्पन्न गरेको छ।

संघले श्रमको सम्मान, बैंक तथा वित्तीय संस्था कर्मचारीमाथिको आक्रमण रोक्न र समस्त वित्तीय क्षेत्रमा पूर्ण सुरक्षाको ग्यारेन्टी गर्न माग गरेको छ। त्यसैगरी संगठित हुने, सामूहिक सौदाबाजी गर्ने श्रमिकको मौलिक अधिकार सुनिश्चित गर्न र काम गर्ने समय/विश्राम/सुरक्षासम्बन्धी श्रम ऐनको व्यवस्था कार्यान्वयन गर्न आग्रह गरेको छ।

आयकर छुटको सीमा वृद्धि गर्नुपर्नेमा जोड दिएको संघले वित्तीय क्षेत्रलाई शान्ति क्षेत्र घोषणा गर्न र सामाजिक सुरक्षामा लगाइने दोहोरो कर खारेज गर्न भनेको छ। नीति निर्माणमा श्रमिकको प्रतिनिधित्व सुनिश्चित गर्न, राजनीतिक हस्तक्षेप बन्द गर्न र श्रम ऐन कानुनको पूर्ण कार्यान्वयन गर्न संघले माग गरेको छ।

भृकुटीमण्डपमा सम्पन्न प्रभातफेरी कार्यक्रममा पूर्वअर्थमन्त्री तथा कांग्रेस प्रवक्ता डा. प्रकाशशरण महत सहभागी थिए।

अध्यक्ष पदमराज रेग्मीको सभापतित्वमा सम्पन्न कार्यक्रममा प्रतिनिधिसभा सदस्य सञ्जय गौतम, नेपाल ट्रेड युनियन कांग्रेसका अध्यक्ष योगेन्द्रकुमार कुँवर र पूर्वअध्यक्ष लक्ष्मणबहादुर बस्नेत सहभागी भएको संघले जनाएको छ।

प्रकाशित मिति: शुक्रबार, चैत २२, २०८१ १७:२६

प्रतिक्रिया दिनुहोस्