दैनिक १२ घण्टा लोडसेडिङ्ग बढेपछि उद्योग परिसंघको आपत्ति

उद्योग

गृहपृष्ठ
उद्योग

दैनिक १२ घण्टा लोडसेडिङ्ग बढेपछि उद्योग परिसंघको आपत्ति

क्यापिटल नेपालबिहीबार, चैत ७, २०८१

काठमाडौं। नेपाल विद्युत प्राधिकरणले उद्योगमा दैनिक १२ घण्टासम्म लोडसेडिङ्ग गरेको भन्दै नेपाल उद्योग परिसंघले आपत्ति जनाएको छ। उद्योग परिसंघले आज एक विज्ञप्ति जारी गर्दै प्राधिकरणले लोडसेडिङ्ग गराएर उद्योगलाई प्रताडित पार्ने काम गरेको आरोप लगाएको छ।

यसअघि देखि नै विद्युत प्राधिकरणले उद्योगहरुमा लोडसेडिङ्ग गर्दै आएको उल्लेख गर्दै उद्योग परिसंघले प्राधिकरणले विद्युत निर्यात गरेको आरोप लगाएको छ। प्राधिकरणका कारण मुलुकमा लगानीको वातावरणमा असर पर्नुका साथै नयाँ उद्योग स्थापना गर्न र उद्योग विस्तार गर्न समेत नसकिएको उद्योग परिसंघको आरोप छ।

सरकारले निजी क्षेत्रको मनोबल बढाउन कानुनमा सुधार गर्दै लगानीको वातावरण बनाउन प्रयासरत भइरहेको बताउँदै सरकारी निकाय नै रहेको विद्युत प्राधिकरणले स्वदेशी उद्योगहरुमा गरेको लोडसेडिङ्गले उद्योगलाई मर्माहत बनाएको उद्योग परिसंघको भनाइ छ।

मुलुकमा विद्युत बचत हुँदा पनि उद्योगहरुलाई पर्याप्त विद्युत उपलब्ध नगराई प्राधिकरणले बाहिर निर्यात गरेको उल्लेख गर्दै उद्योग परिसंघकले सरकारलाई उद्योगमा नियमित विद्युत आपूर्ती हुने व्यवस्था गर्न आग्रह गरेको छ।

प्रकाशित मिति: बिहीबार, चैत ७, २०८१ १७:४६

प्रतिक्रिया दिनुहोस्