एकै दिन ३० युनिट केई ई-क्युट०४ गाडी डेलिभरी, मूल्य २५ लाख

अर्थतन्त्र

गृहपृष्ठ
अर्थतन्त्र

एकै दिन ३० युनिट केई ई-क्युट०४ गाडी डेलिभरी, मूल्य २५ लाख

क्यापिटल नेपालबिहीबार, पुस ११, २०८१

काठमाडौँ। गत भदौँमा सम्पन्न नाडा अटो शोमा सार्वजनिक भएको केई ई-क्युट ०४ एकै दिन ३० युनिट डेलिभरी भएको छ। केई ब्राण्डको नेपालका लागि आधिकारिक वितरक जीओ फार्ड र लक्ष्मी इमोविलिटीले बिहीबार एक कार्यक्रम गरी गाडी डेलिभरी गरेको हो।

जिओ अटोमोबाइल्स र लक्ष्मी ई-मोबिलिटी दुवै मिलेर उक्त ब्राण्डका गाडीहरू नेपाली बजारमा बिक्री गरिरहेका छन्। जिओका प्रबन्ध निर्देशक आकाश गोल्छाका अनुसार केई ब्राण्डको गाडी अटो शोबाट बजारमा ल्याए पनि बाटोका कारण लामो समयसम्म ग्राहकले पाउन सकेका थिएनन्।

‘२०१४ मा सुरु भएको यो कम्पनीमा अहिले चीन सरकारको पनि लगानी रहेको छ, यो कम्पनी कुनै स्टार्टअप नभई सरकारको लगानी रहेको कम्पनी भएकाले स्थापित ब्राण्डका रुप चिनिएको छ, त्यसैले विश्वस्त भएर ग्राहकहरूले यो ब्राण्डको गाडी किन्न सक्ने छन्।’

केई ब्राण्डको गाडी जीओ फोर्ड र लक्ष्मी इमोविलिटीले बिक्री गर्ने भएकाले दुवै कम्पनी मिलेर ग्राहकलाई सेवा दिने उनको भनाइ छ। ‘हामीले जीओ फोर्ड भारतमा बन्द हुँदा पनि नेपालमा सर्भिसलाई निरन्तरता दिइरहेका छौँ, त्यसरी यो ब्राण्डको गाडी दुवै कम्पनी मिलेर सर्भिसमा पनि आफ्नो दायित्व पूरा गर्ने छौँ,’ उनले भने।

केई ई-क्युट०४ मा २८.०८ किलोवाट आवरको लिथिएम आयोन ब्याट्री र ४० किलोवाट मोटर पावर जडान गरिएको छ। यो गाडीको फुल चार्ज रेञ्ज ३०० किलोमिटर रहेको कम्पनीको दाबी छ। यो गाडीको ग्राउण्ड क्लियरेन्स १६५ एमएम छ। यसमा २३७ लिटरको बुट स्पेस, ३६० डिग्री क्यामेरासहितको सेफ्टी फिचर छ।

प्रकाशित मिति: बिहीबार, पुस ११, २०८१ १५:५४

प्रतिक्रिया दिनुहोस्