प्रमुख प्रतिपक्षी दल नेपाली कांग्रेसको आग्रहमा बैठक दिउँसो १ बजेका लागि सारिएको संसद् सचिवालयले जनाएको छ।

माधवकुमार नेपाल नेतृत्वको नेकपा एकीकृत समाजवादी पार्टीले सरकारलाई विश्वासको मत दिने भएको छ। पार्टीको आज बिहान बसेको सचिवालय बैठकले यस्तो निर्णय गरेको हो।

२७५ सदस्यीय प्रतिनिधिसभामा प्रधानमन्त्री नियुक्त हुन १३८ सांसदको समर्थन आवश्यक हुन्छ। सुविधाजनक बहुमतको अवस्थामा रहेका प्रचण्ड दुई तिहाइको कोसिसमा छन्। दुई तिहाइका लागि १८३ मत चाहिन्छ।

प्रस्ताव पेससँगै प्रधानमन्त्रीले आफूलाई विश्वासको मत किन दिने भन्नेबारेमा आफ्नो सम्बोधन गर्नेछन्। प्रधानमन्त्रीको सम्बोधनपछि संसदमा प्रधानमन्त्रीको विश्वासको मत लिने प्रस्तावबारे सांसदहरुले बोल्न चाहेमा सभामुखले उनीहरुलाई बोल्न समय उपलब्ध गराउँछन्।

प्रधानमन्त्री पुष्पकमल दाहाललाई विश्वासको मत दिने वा नदिने भन्ने विषयमा निर्णय गर्न बैठक बस्न लागेको हो।

प्रदेश १ का मुख्यमन्त्री हिक्मतकुमार कार्कीले मानव सेवा आश्रम विराटनगरका आश्रितलाई खाना खुवाएर आफ्नो कार्यकाल सुरु गरेका छन्।

प्रदेश १ का संस्थापक मुख्यमन्त्री तथा एमाले स्थायी कमिटी सदस्य शेरधन राईले सुन्दर प्रदेश निर्माण गर्न नवनियुक्त मुख्यमन्त्री हिक्मत कार्कीलाई सुझाव दिएका छन्।

नयाँ सरकार गठन भएसँगै गण्डकी प्रदेश सभामा नेपाली कांग्रेस मात्रै प्रतिपक्षमा रहने भएको छ। ६० सदस्यीय गण्डकी प्रदेश सभामा २७ सीटको कांग्रेस प्रतिपक्षमा पुग्यो।

नेपाली कांग्रेसको संसदीय दलको बैठक आज मंगलबार बस्दैछ।

प्रधानमन्त्री पुष्पकमल दाहाल ‘प्रचण्ड’ले आज संघीय संसदमा विश्वासको मत लिने भएका छन्।

आज साँझ प्रधानमन्त्री दाहाल र सभापति देउवाबीच भएको भेटका क्रममा सभापति देउवाले त्यसबारेमा पार्टीमा छलफल गरेर मत दिने आश्वासन दिएको प्रधानमन्त्रीको सचिवालयले जनाएको छ।

भोलि मंगलबार संसद्‍बाट विश्वासको मत लिने प्रक्रियामा जान लागेका प्रधानमन्त्रीले कांग्रेसको मत माग्न देउवालाई भेटेका हुन्।