दूरी कायम गर्दै माईतीघर मण्डलामा सरकारविरुद्ध सडक प्रदर्शन(फोटोफिचर)

फोटो फिचर

गृहपृष्ठ
फोटो फिचर

दूरी कायम गर्दै माईतीघर मण्डलामा सरकारविरुद्ध सडक प्रदर्शन(फोटोफिचर)

नाजिया श्रेष्ठशनिबार, जेठ ३१, २०७७

काठमाडौं । सामाजिक दूरी कायम गर्दै माईतीघर मण्डलामा सरकारविरुद्ध सडक प्रदर्शन गरिएको छ । कोरोना भाइरस (कोभिड–१९) नियन्त्रणमा सरकार असफल भएको भन्दै यूवाहरुले फेशबुक पेज ‘इनफ इज इनफ’ मार्फत आव्हान गर्दै गरिएको प्रदर्शन निकै शान्तिपूर्ण थियो ।

माईतीघर देखि बबरमहल जाने सडकको बीचमा सामाजिक दूरी कायम गरी बसेका युवा तथा अन्य नागरिकले हात हातमा प्ले कार्ड र पर्चा थियो । मण्डलामा भएको प्रदर्शनमा भने प्रहरीले बल प्रयोग गर्नु परेन् ।

कुनै पनि राजनितिक दलको झण्डा बिनै स्वतः स्र्फुत प्रदर्शनमा आएका युवा तथा अन्य क्षेत्रका नागरिकको ठूलो जमात थियो ।
लकडाउनका बिच सरकारले कोरोना नियन्त्रणका लागि खासै काम गर्न नसकेको भन्दै बिरोधका लागि काठमाडौंबाट शुरु भएको यो आन्दोलनको राप देशैभर फैलिरहको छ ।

शुक्रबार देशभरका ठूला सहरमात्र नभएर साना साना सहरहरुमा शुरु हुन थालेको छ । शुक्रबार काठमाडौका किर्तिपुर, , धनगढी, भैरहवा, बुटवल, भक्तपुरलगायतका स्थानमा शुरु भइसकेको कोभिड–१९ इनफ इज इनफ पेजमा अपलोड गरिएका सामाग्रीले देखाउछ । युवाहरुले सरकार बिरुद्ध आन्दोलन जारी राखेपछि बिहिबार नै गृह मन्त्रालयले विज्ञप्ति जारी गर्दै लकडाउन बेला प्रदर्शनमा ओर्लिए ६ सय रुपैयाँ जरिवाना र ६ महिनासम्म जेल हुनेु चेतावनी दियो।

तर, सरकार बिरुद्धको आन्दोलन शतप्रतिशत पिसिआर परिक्षण तथा १० अर्वको हिसाव पारदर्शी नहुन्जेल जारी रहने आन्दोलनमा सहभागीहरुले बताएका छन् । बिहिबार बालुवाटारमा प्रहरी दमन भएपछि शनिबार माइतीघरमा अझ ठुलो संख्यामा भेला भएर सरकारलाई सचेत खबरदारी गरेका छन्

हुर्नस्, माईतीघरमा भएका प्रदर्शनका झलकहरुः

No description available.