घ्यू, तेल, फलफूल र दालकाे मूल्य बढ्याे, तरकारी तथा मरमसलाकाे मूल्य ओरालाे

कर्पोरेट बजार

गृहपृष्ठ
कर्पोरेट बजार

घ्यू, तेल, फलफूल र दालकाे मूल्य बढ्याे, तरकारी तथा मरमसलाकाे मूल्य ओरालाे

क्यापिटल नेपालआइतबार, वैशाख २८, २०८२

काठमाडौं। बजार मूल्य औसत (उपभोक्ता मुद्रास्फीति) ३.३९ प्रतिशत रहेको छ । यो चैत महिनाको हो । गत वर्षको सोही महिनामा यस्तो मूल्यवृद्धि ४.६१ प्रतिशत थियो । सो अवधिमा खाद्य तथा पेय पदार्थ समूहको मूल्यवृद्धिदर २.४५ र गैरखाद्य तथा सेवा समूहको ३.९० प्रतिशत रहेको राष्ट्र बैंकको मासिक प्रतिवेदनले जनाएको छ ।

गत वर्षको सोही अवधिमा यी समूहहरुको मुद्रास्फीति क्रमशः ५.२२ र ४.२० प्रतिशत रहेका थिए । गत चैतमा खाद्य तथा पेय पदार्थ समूहअन्तर्गत घ्यू तथा तेल उपसमूहको मूल्यवृद्धिदर सबैभन्दा धेरै ११.६३, फलफूलको ९.०७, दाल तथा गेडागुडीको ६.५८ र गैरमदिराजन्य पेय पदार्थको ५.१६ प्रतिशतले बढेको छ । तर, तरकारीको मूल्यवृद्धिदर ५.२४, मरमसलाको २.३२ र माछा तथा मासुको ०.८९ प्रतिशतले घटेको प्रतिवेदनमा उल्लेख छ ।

गैरखाद्य तथा सेवा समूहअन्तर्गत विविध वस्तु तथा सेवा उपसमूहको औसत मूल्यवृद्धिदर ८.६९, कपडाजन्य तथा जुत्ताचप्पलको ७.०१, मदिराजन्य पेय पदार्थको ६.०७, फर्निसिङ तथा घरायसी उपकरणको ५.५९ र सुर्तिजन्य पदार्थको ४.८३ प्रतिशतले बढेको तथ्यांक छ ।

प्रकाशित मिति: आइतबार, वैशाख २८, २०८२ १७:५९

प्रतिक्रिया दिनुहोस्