सुक्खायाममा ऊर्जा संकट टार्न जलाशययुक्त आयोजना प्राथमिकतामा, निजी लगानीलाई प्रोत्साहन

पूर्वाधार

गृहपृष्ठ
पूर्वाधार

सुक्खायाममा ऊर्जा संकट टार्न जलाशययुक्त आयोजना प्राथमिकतामा, निजी लगानीलाई प्रोत्साहन

क्यापिटल नेपालआइतबार, वैशाख २८, २०८२

काठमाडौं। सरकारले सुक्खायाममा विद्युतको बढ्दो मागलाई सम्बोधन गर्न जलाशययुक्त जलविद्युत आयोजनाको निर्माणलाई उच्च प्राथमिकता दिने भएको छ।

विद्युत उत्पादन,प्रसारण र वितरण प्रणालीलाई थप विश्वसनीय बनाउने उद्देश्यसहित अर्थमन्त्री विष्णुप्रसाद पौडेलले आज सार्वजनिक गरेकाे आर्थिक वर्ष २०८२/८३ को लागि विनियोजन विधेयकका सिद्धान्त र प्राथमिकतामा जलविद्युत आयोजनामा निजी क्षेत्रको लगानीलाई समेत प्रोत्साहन गर्ने नीति लिइएको छ।

सरकारको सार्वजनिका गरेको ३६ बुँदे सिद्धान्त र प्रााथमिकतामध्ये ऊर्जाको जलाशययुक्त आयोजनाको निर्माणलाई प्राथमिकता दिइएको हो। सो विधेयकमा जलविद्युत उत्पादन र प्रशारण आयोजनामा निजी पुँजी परिचालन गर्न प्रोत्साहित गरिने उल्लेख छ। आन्तरिक र अन्तरदेशीय प्रशारण लाइन निर्माण गर्न प्राथमिकता समेत दिइने उल्लेख छ।

ऊर्जा मिश्रणको अवधारणा अनुरूप सौर्य ऊर्जा विकासलाई प्रोत्साहित गरिनुका साथै विद्युत वितरण प्रणालीलाई आधुनिकीकरण गरी विश्वसनीय बनाइनेछ। उत्पादित विद्युतको आन्तरिक खपत वृद्धि गर्न तथा बचत हुने विद्युत निर्यात गर्न सहजीकरण गरिने विधेयकमा उल्लेख छ।

प्रकाशित मिति: आइतबार, वैशाख २८, २०८२ १६:४६

प्रतिक्रिया दिनुहोस्