दोर्दी खोलाले फेरि खोल्यो हकप्रद सेयरका लागि आवेदन, छुटेका सेयरधनीलाई हकप्रद भर्ने मौका

सेयर

गृहपृष्ठ
सेयर

दोर्दी खोलाले फेरि खोल्यो हकप्रद सेयरका लागि आवेदन, छुटेका सेयरधनीलाई हकप्रद भर्ने मौका

क्यापिटल नेपालशुक्रबार, वैशाख १२, २०८२

काठमाडाैं। दोर्दी खोला जलविद्युत कम्पनीले पुनः हकप्रद सेयर निष्काशन तथा बिक्री खुला अवधि थप गरेको छ।

कम्पनीले गत चैत १९ गतेदेखि बैशाख ८ गतेसम्म निष्काशन गरेको हकप्रद सेयरमा आवेदन दिन छुट भएका सेयरधनीहरुका लागि अन्तिम मौकाको रुपमा फेरि आवेदन खुला गरेकाे हाे।

कम्पनीले हाल कायम चुक्ता पूँजीको शतप्रतिशत अर्थात १ बराबर १ अनुपातमा प्रतिशेयर १०० रुपैयाँ अंकित मूल्यका १ अर्ब ५ करोड ४२ लाख ६० हजार ४०० रुपैयाँबराबरको १ करोड ५ लाख ४२ हजार ६०४ कित्ता हकप्रद सेयर निष्काशन गरेको थियो।

सोही निष्काशनमा हकप्रद सेयरमा आवेदन दिन छुटेका, गत फागुन १५ गतेभन्दा अघिल्लो कारोबार दिनसम्म कायम सेयरधनीहरुलाई आवेदन दिने अन्तिम मौका दिएको हो। कम्पनीको हकप्रद सेयरमा शुक्रबारदेखि आइतबारसम्म आवेदन दिन सकिनेछ।

आवेदकले सानिमा क्यापिटल नक्साल काठमाडौं र सानिमा बैंकको तोकिएको शाखा कार्यालयबाट आवेदन दिन सकिनेछ। यसका साथै धितोपत्र बोर्डबाट आस्वा अनुमति प्राप्त बैंक–वित्तीय संस्था र मेरो सेयरमार्फत आवेदन दिन सकिने कम्पनीले जनाएको छ।

दोर्दी खोलाको चुक्ता पुँजी १ अर्ब ५ करोड ४२ लाख ६० हजार ४०० रुपैयाँ छ। हकप्रदपछि यस्तो पुँजी २ अर्ब १० करोड ८५ लाख २० हजार रुपैयाँ पुग्नेछ।

प्रकाशित मिति: शुक्रबार, वैशाख १२, २०८२ १०:५०

प्रतिक्रिया दिनुहोस्