काठमाडौं। सेयर बजारमा ३२ अंकको गिरावट आएको छ। साताको कारोबारको तेस्रो दिन मंगलबार सेयर बजार सूचक नेपाल स्टक एक्सचेञ्ज (नेप्से) ३२.२१ अंकले घटेर २७१९.२० विन्दुमा खुम्चिएको हो।
अघिल्लो कारोबार दिन सोमबार नेप्से २०.६८ अंकले घट्दै २७५१.४२ बिन्दुमा रोकिएको थियो भने आइतबार ४६.३३ अंकले संकुचित बनेको थियो।
मंगलबारसहित नेप्सेमा लगातार सात कारोबार दिन संकुचन आउँदा १७१ अंकको गिरावट आएको छ। फागुन १९ गतेदेखि बजार लगातार घटेपनि त्यसअघिका नौ कारोबार दिन भने लगातार बढ्दै २१२ अंकको वृद्धि भएको थियो।
मंगलबार नेप्सेमा कुल ८ अर्ब ३९ करोड रुपैयाँ बराबरको कारोबार भएको छ। अघिल्लो दिन सोमबार भने कुल ८ अर्ब ३७ करोड रुपैयाँ र आइतबार १० अर्ब ९ करोड रुपैयाँ बराबरको कारोबार भएको थियो।
मंगलबार कारोबारमा आएकामध्ये ३२ कम्पनीको सेयर मूल्य बढ्दा २०९ कम्पनीको घटेको छ। यस्तै, ३ कम्पनीको सेयर मूल्य भने स्थिर छ।
आज विकास बैंक बाहेक सबै समूहको सेयर मूल्य घटेको छ। विकास बैंकको सेयर मूल्य १.९३ प्रतिशतले बढ्दा बैंकिङ समूहको सेयर मूल्य ०.७१ प्रतिशत, फाइनान्स समूहको १.५७ प्रतिशत, होटल तथा पर्यटन समूहको १.१३ प्रतिशत र जलविद्युत् समूहको सेयर मूल्य १.५१ प्रतिशतले घटेको छ।
यस्तै, लगानी समूहको सेयर मूल्य १.८९ प्रतिशत, जीवन बिमा समूहको १.३० प्रतिशत, उत्पादन समूहको २.४९ प्रतिशत, लघुवित्त समूहको ०.८९ प्रतिशत र निर्जीवन बिमा समूहको सेयर मूल्य ०.९९ प्रतिशतले घटेको छ।
-1741480500.jpg)
