ओम मेगाश्री फर्मास्युटिकल्सको आईपीओ खुल्यो

सेयर

गृहपृष्ठ
सेयर

ओम मेगाश्री फर्मास्युटिकल्सको आईपीओ खुल्यो

क्यापिटल नेपालमंगलबार, फागुन २७, २०८१

काठमाडौं। ओम मेगाश्री फर्मास्युटिकल्सले आजदेखि सर्वसाधारणका लागि आईपीओ बिक्री खुलाएको छ।

कम्पनीले सर्वसाधारणका लागि १४ लाख ७६ हजार कित्ता आईपीओ बिक्री खुलाएको हो। जारी पुँजी ६० करोड रुपैयाँ रहेको ओम मेगाश्री यो सेयर बजारमा भित्रिने पहिलो औषधी कम्पनी बनेको छ।

कम्पनीले ३० प्रतिशतले हुने १८ करोड रुपैयाँ बराबरको १८ लाख कित्ता साधारण सेयरमध्ये पहिलो चरणमा श्रम स्वीकृति लिई वैदेशिक रोजगारीमा रहेका नेपाली नागरिकका लागि १ लाख ८० हजार कित्ता आईपीओ बाँडफाँट गरिसकेको छ।

यस्तै, ५४ हजार कित्ता सेयर कम्पनीमा कार्यरत कर्मचारी र ९० हजार कित्ता सेयर सामूहिक लगानी कोषलाई बाँडफाँट गरी बाँकी १४ लाख ७६ हजार कित्ता आईपीओ सर्वसाधारणलाई बिक्री खुलाएको हो।

आईपीओमा न्यूनतम १० कित्तादेखि अधिकतम १० हजार कित्तासम्म आवेदन दिन सकिनेछ। चैत ३ सम्म अवधि रहेको आईपीओमा मागअनुसार आवेदन नपरे चैत १२ गतेसम्म म्याद थप हुनेछ।

कम्पनीले आईपीओ निष्कासन तथा बिक्री प्रबन्धकमा प्रभु क्यापिटललाई नियुक्त गरेको छ।

प्रकाशित मिति: मंगलबार, फागुन २७, २०८१ ०८:२७

प्रतिक्रिया दिनुहोस्