भ्रष्टाचार नियन्त्रण गर्न अझै सशक्त ढङ्गले अघि बढ्नुपर्छः सांसद गैरे

राजनीति

गृहपृष्ठ
राजनीति

भ्रष्टाचार नियन्त्रण गर्न अझै सशक्त ढङ्गले अघि बढ्नुपर्छः सांसद गैरे

क्यापिटल नेपालमंगलबार, फागुन १३, २०८१

काठमाडौं। नेकपा एमालेका सांसद ठाकुरप्रसाद गैरेले भ्रष्टाचार नियन्त्रणका लागि अझै सशक्त ढङ्गले अघि बढ्नु पर्ने बताएका छन्। प्रतिनिधिसभाको आजको बैठकमा विशेष समय लिएर बोल्दै उनले यस्तो बताएका हुन्।

देशमा भ्रष्टाचार, घूस र कमिसनको प्रवृत्ति बढिरहेको उल्लेख गर्दै उनले त्यस्तो कार्यमा लाग्नेलाई कारबाही गर्ने परिस्थितिको निर्माण गर्न आग्रह गरे।

उनले भने, “भ्रष्टाचार, घूस र कमिसनको प्रवृत्ति बढ्दो छ। यसलाई सत्यतथ्यसहित संसद्मा प्रस्तुत गरौँ। कारबाही गर्ने परिस्थितिको निर्माण गरौँ।”

सांसद गैरेले सुशासनयुक्त सामाजिक न्यायसहितको समाज निर्माण गर्ने काममा एकताबद्ध भएर जिम्मेवारी पूरा गर्नुपर्नेमा जोड दिए। उनले अध्यादेशले विकासका निम्ति बाटो खोलेको उल्लेख गर्दै अस्थिरता र अराजकताको अन्त्य गरी मुलुकलाई समाजवादतर्फ लैजान एमाले अग्रसर भएको जिकिर गरे।

प्रकाशित मिति: मंगलबार, फागुन १३, २०८१ १५:५९

प्रतिक्रिया दिनुहोस्