काठमाडौं। सौर्य ऊर्जा उत्पादक कम्पनी पियोर इनर्जीले आईपिओ निष्कासन अनुमति पाएको छ। नेपाल धितोपत्र बोर्डले शुक्रबार कम्पनीलाई आईपिओ निष्कासन अनुमति दिएको हो।
कम्पनीले १ सय रुपैयाँ अंकित दरमा १६ करोड रुपैयाँ बराबरको १६ लाख कित्ता सेयर जारी गर्न बोर्डसँग अनुमति मागेको थियो। कम्पनीको बिक्री प्रबन्धकमा नबिल इन्भेस्टमेन्ट बैंकिङ रहेको छ।
पियोर इनर्जी ऊर्जा लगानी अर्थात् व्यापारको एक सहायक कम्पनी हो। जुन बाँके जिल्लाको खजुरा गाउँपालिका रानियापुरमा २० मेगावाट विद्युत योजना सञ्चालित छ।
-1739529052.jpg)
उक्त योजनामा पियोर इनर्जी लिमिटेड १ र पियोर इनर्जी लिमिटेड २ रहेका छन्। जसले १० मेगावाट सोलर ऊर्जा उत्पादन गर्दछ। यो कम्पनी पछिल्लो केही वर्षदेखि निरन्तर नाफामा छ। नेपालमा ऊर्जा उत्पादनका अनुकूल सौर्य स्रोत रहेकाले यस क्षेत्रलाई सकारात्मक मानिन्छ।
नेपालमा दैनिक औसत ४.७ किलोवाट युनिट प्रतिवर्गमिटर सौर्य ऊर्जा उत्पादन क्षमता छ। नेपालमा करिब १० लाख ३० हजार हेक्टर बाँझो जमिन छ। राम्रो घाम लाग्ने १० स्क्वायर मिटर क्षेत्रबाट सोलार प्यानेलहरू जडान गरी प्रतिदिन ४ देखि ५ युनिट सौर्य विद्युत ऊर्जा उत्पादन गर्न सकिन्छ।
सौर्य ऊर्जा उत्पादनको लागत हाइड्रोपावरभन्दा सस्तो अर्थात न्यून लगातमा निर्माण गर्न सकिने बताइन्छ। सौर्य ऊर्जामा एक तिहाई पर मेघावाट हुन्छ। हाइड्रोपावर निर्माणमा १८ देखि २० करोड लागत हुन्छ भने सोलारमा साढे ६ देखि ७ करोडमा बन्ने गर्दछ। एक पटक लगानी गरेपछि ३० वर्षसम्म निरन्तर चल्ने र सौर्य ऊर्जा ६ महिनादेखि एक वर्षमा निर्माण भएर प्रयोगमा आउने किसिमको हुन्छ।
छोटो समयमै उत्पादन सुरु गर्ने क्षमता, नवीकरणीय ऊर्जामा विश्वव्यापी माग र जलविद्युतको पूरक स्रोतका रूपमा यसले नेपालको आर्थिक विकासमा महत्त्वपूर्ण योगदान दिन सक्छ। सौर्य ऊर्जामा जोखिम एकदमै कम हुन्छ। सौर्य ऊर्जा उत्पादन गरी ऊर्जाको अधिकतम् उपयोग गरी औद्यागिक एवम् आर्थिक गतिविधि बढाउने जस्ता कार्यका लागि महत्वपूर्ण पाटो बनाउन सकिन्छ।
-1741480500.jpg)
