काठमाडौं। लगातार पाँच दिनसम्म गिरावट भएको सेयर बजार आज झिनो अंकले बढेको छ। साताको तेस्रो दिन मंगलबार सेयर बजार सूचक नेपल स्टक एक्सचेञ्ज (नेप्से) ६.५४ अंकले बढेर २६८३.८६ विन्दुमा पुगेको हो। अघिल्लो कारोबार दिन सोमबार १०.५८ अंकले घटेर २६७७.३२ विन्दुमा रोकिएको थियो।
मंगलबार नेप्सेमा कुल ७ अर्ब १५ करोड रुपैयाँ बराबरको कारोबार भएको छ। अघिल्लो कारोबार दिन सोमबार नेप्सेमा कुल ६ अर्ब ८६ करोड रुपैयाँ बरारबरको कारोबार भएको थियो।
मंगलबार कारोबारमा आएकामध्ये १३४ कम्पनीका सेयर मूल्य बढ्दा ९८ कम्पनीको घटेको छ। यस्तै ११ कम्पनीको सेयर मूल्य भने स्थिर छ। आज सिक्लेस हाइड्रोपावर कम्पनी, भगवती हाइड्रोपवार कम्पनी, रसुवागढी हाइड्रोपावर कम्पनीलको सेयर मूल्यमा सकारात्मक सर्किट लाग्दा गार्डियन माइक्रो लाइफ इन्सुरेन्सको सेयर मूल्य ९.९९ प्रतिशत र सप्तकोशी डेभलपमेन्ट बैंकको सेयर मूल्य ८.५२ प्रतिशतले बढेको छ।
आज भूगोल इनर्जी डेभलपमेन्ट कम्पनीको सेयर मूल्यमा नकारात्मक सर्किट लाग्दा उपकार लघुवित्त वित्तीय संस्थाको सेयर मूल्य ८.२९ प्रतिशत, सिटिजन सुपर २.९१ प्रतिशतले घटेको छ।
बैंकिङ समूह सेयर मूल्य ०.२० प्रतिशत, फाइनान्स समूहको सेयर मूल्य ०.२९ प्रतिशत, होटल तथा पर्यटन समूह ०.४७ प्रतिशत, जीवन बिमा समूह ०.०८ प्रतिशत, माइक्रोफाइनान्स समूह ०.०४ प्रतिशतले घटेको छ।
यस्तै, विकास बैंक समूहको सेयर मूल्य २.३१ प्रतिशत, हाइड्रोपावर समूह १.५७ प्रतिशत, लगानी समूह ०.४८ प्रतिशत, उत्पादन समूह ०.०१ प्रतिशत, म्युचअल फण्ड समूह ०.५२ प्रतिशतले बढेको छ।
-1741480500.jpg)
