आर्थिक अवस्था सुधारका उपाय खाेज्दै कांग्रेस, पूर्वअर्थमन्त्री, निजी क्षेत्रलाई बाेलायाे छलफलमा

राजनीति

गृहपृष्ठ
राजनीति

आर्थिक अवस्था सुधारका उपाय खाेज्दै कांग्रेस, पूर्वअर्थमन्त्री, निजी क्षेत्रलाई बाेलायाे छलफलमा

क्यापिटल नेपालबिहीबार, मंसिर ६, २०८१

काठमाडौं। सत्तारुढ नेपाली कांग्रेसले मुलुकको पछिल्लो आर्थिक अवस्था, सुधारका उपायबारे छलफल गर्न पूर्वअर्थमन्त्रीदेखि निजी क्षेत्रलाई निम्ताएको छ।

पार्टी सभापति शेरबहादुर देउवाको प्रमुख आतिथ्यमा मंसिर ७ गते अर्थतन्त्रको विद्यमान अवस्था, उँभो लैजाने उपायलगायत विषयमा छलफल कार्यक्रम आयोजना गरेको कांग्रेस संसदीय दलको कार्यालयले जानकारी दिएको हो।

शुक्रबार विहान ११ बजे नयाँ बानेश्वरस्थित संघीय संसद् भवनको शंकर हलमा हुने कार्यक्रममा पूर्वअर्थमन्त्री, रााष्ट्रिय योजना आयोगका पूर्वपदाधिकारी, निजी क्षेत्रका अर्थतन्त्रसँग जोडिएका संघसंस्थाका पदाधिकारीलगायतसँग छलफल गरिने प्रमुख श्यामकुमार घिमिरेले बताए।

पछिल्ला दिनमा अर्थतन्त्रले लिक छाड्नै लागेको भनेर विभिन्न कोणबाट बहस भइरहेका बेला निजी क्षेत्रमैत्री मानिने कांग्रेसले आर्थिक अवस्थाबारे बहस गर्न थालेको हो।

प्रकाशित मिति: बिहीबार, मंसिर ६, २०८१ १९:२०

प्रतिक्रिया दिनुहोस्