नाडा अटो सो २०२४ को रजिस्ट्रेसन जेठ ३१ देखि खोलिँदै

कर्पोरेट बजार

गृहपृष्ठ
कर्पोरेट बजार

नाडा अटो सो २०२४ को रजिस्ट्रेसन जेठ ३१ देखि खोलिँदै

क्यापिटल नेपालबुधबार, जेठ ३०, २०८१

काठमाडौं । नाडा अटोमोवाइल्स् एशोसिएशन अफ नेपालद्वारा यही भदौ ११ देखि १६ गतेसम्म सवारी साधन, पार्ट पुर्जा, वित्तीय सेवा एवं अन्य सम्बन्धित सरोकारवाला संघ संस्थाको १६औं संस्करण 'नाडा अटो सो २०२४' आयोजना गरिने भएको छ।

काठमाडौंको भृकुटी मण्डपमा आयोजना हुने प्रदर्शनीको यही जेठ ३१ गतेदेखि असार ५ गतेसम्म स्टल बुकिङका लागि रजिस्ट्रेसन खुल्ला गरिने छ। प्रदर्शनीमा भाग लिने सम्बन्धी गरिएको सर्वेक्षणको आधारमा स्टलका लागि अत्यधिक माग भएकाले विगतका संस्करण जस्तै यस वर्ष पनि गोला प्रथाद्वारा नै स्टल उपलब्ध गराइने छ।

प्रदर्शनीमा २ पाङग्रे, ३ पाङग्रे, ४ पाङग्रे, लाइट कमर्शियल, वित्तीय संस्था, अटो कम्पोनेन्ट्स् एवं ग्यारेज उपकरणलाई समूह अनुसार छुट्याइएको हुँदा सोही अनुरूप रजिस्ट्रेसन गर्न मिल्ने व्यवस्था मिलाइएको छ।

नाडा अटो सो समितिका संयोजक अनुपकुमार बरालका अनुसार अर्थतन्त्रमा राजस्व संकलन र रोजगारी सिर्जनाका लागि विशेष योगदान पुर्‍याउँदै आइरहेको सवारी साधन क्षेत्रमा संलग्न उद्योगी, व्यापारी, उद्यमी, कर्मचारी एवं आम उपभोक्तालाई नाडा अटो सो २०२४ ले सकारात्मक ऊर्जा एवं नविनतम् प्रविधिको साक्षात्कार गराउने नाडाको विश्वास छ।

प्रकाशित मिति: बुधबार, जेठ ३०, २०८१ १४:५९

प्रतिक्रिया दिनुहोस्