१० वर्षमा १० हजार मेगावाट बिजुली बेच्न सकिने आधार तयार भइसक्यो : ऊर्जामन्त्री बस्नेत

पूर्वाधार

गृहपृष्ठ
पूर्वाधार

१० वर्षमा १० हजार मेगावाट बिजुली बेच्न सकिने आधार तयार भइसक्यो : ऊर्जामन्त्री बस्नेत

क्यापिटल नेपालमंगलबार, पुस २४, २०८०

काठमाडौं। ऊर्जामन्त्री शक्ति बस्नेतले १० वर्षमा १०) हजार मेगावाट विद्युत् निर्यात गर्न सक्ने आधार तयार भइसकेको बताएका छन्। मंगलबार सिंहदरबारस्थित प्रतिनिधिसभाको पूर्वाधार विकास समिति बैठकमा मन्त्री बस्नेतले १० वर्षमा १० हजार मेगावाट विद्युत् भारतमा निर्यात गर्ने ठोस आधार रहेको जानकारी दिएका हुन्।

‘बाहिरतिर अनौपचारिक छलफलमा विद्युत् निर्यात सम्झौता मात्रै भएको होला। वास्तविकतामा सम्भव नहोला भन्ने गफ सुनिन्छ’, मन्त्री बस्नेतले भने, ‘त्यस्तो शंका नगर्न र तथ्यांकअनुसार नै निर्यातको क्षमता नेपालसँग छ र गर्छौं। हाम्रो आकलल होइन, तथ्यांक बोलेको हो।’

भारतसँग विद्युत् निर्यातको मोटामोटी खाका तयार रहेको उनले बताए। यद्यपि विस्तृत मोडालिटी तयार गर्नुपर्ने उनको भनाइ छ।नेपालभित्रको पूर्वाधार निर्माणमा पनि मन्त्रालयले तीव्र गतिमा काम गरेर प्रसारण लाइनलाई निर्माण अन्तिम चरणमा पु¥याएको मन्त्री बस्नेतले बताए। विद्युत् निर्यातको लक्ष्य अनुसार पूर्वाधार तयार हुनेमा ढुक्क हुन उनले आग्रह गरे।