पछिल्लो २४ घण्टामा ३ हजार ८४० जनामा संक्रमण पुष्टि, ३३ को मृत्यु

काठमाडौं- पछिल्लो २४ घण्टामा नेपालमा ३ हजार ८४० जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार १५ हजार ८०८ जनाको परीक्षण गर्दा सो संख्यामा कोरोना संक्रमण पुष्टि भएको हो। यो २४.२ प्रतिशत हो।

पछिल्ला दिनमा कोरोना संक्रमण बढ्दै गएको मन्त्रालयले जनाएको छ। सोही अवधिमा १ हजार ९९३ जना संक्रमणमुक्त भएका छन् भने ३३ जनाको मृत्यु भएको छ। 

नेपालमा कुल  ३८ लाख ७९ हजार ४१० जनाको परीक्षण गर्दा ७ लाख ४६ हजार ६५७ जनामा संक्रमण पुष्टि भएकोमा ६ लाख ४९ हजार ७२ जना संक्रमण मुक्त भएका छन् भने कुल ९ हजार ७७१ जनाको मृत्यु भएको मन्त्रालयको तथ्यांक छ।