नबिल बैंकद्वारा ११ प्रतिशत नगद लाभांश घोषणा, ५ वर्षयताकै न्यून

बैंकिङ

गृहपृष्ठ
बैंकिङ

नबिल बैंकद्वारा ११ प्रतिशत नगद लाभांश घोषणा, ५ वर्षयताकै न्यून

क्यापिटल नेपालबिहीबार, मंसिर ७, २०८०

काठमाडौं। नबिल बैंकले आफ्ना सेयरधनीहरुका लागि लाभांश घोषणा गरेको छ। बैंकको मंसिर ७ गते (आज) बसेको ६ सय ४४ औं सञ्चालक समितिको बैठकले सेयरधनीलाई ११ प्रतिशत लाभांश वितरण गर्ने निर्णय गरेको हो।

गत वर्ष बैंकले २९ प्रतिशत लाभांश दिएको थियो। जसअनुसार ११.५ प्रतिशत नगद र १८.५ प्रतिशत बोनस सेयर वितरण गरेको थियो। अघिल्लो वर्ष ४.४ प्रतिशत नगद र ३३.६ प्रतिशत बोनस सेयर गरि कूल ३७ प्रतिशत लाभांश घोषणा गरेको थियो।

आर्थिक वर्ष ०७६/०७७ मा ३३.५ प्रतिशत बोनस सेयर र १.७६ प्रतिशत गरि कूल ३५.२६ प्रतिशत लाभांश वितरण गरेको थियो। यस्तै ०७५/०७६ मा १२ प्रतिशत बोनस सेयर र २२ प्रतिशत नगद गरि ३४ प्रतिशत लाभांश दिएको थियो।

बैंकको सञ्चालक समितिको निर्णयअनुसार गत आर्थिक वर्षको नाफाबाट बैंकका सेयरधनीले चुक्ता पुँजीको ११ प्रतिशत नगद लाभांश पाउनेछन्।

सो नगद लाभांश नेपाल राष्ट्र बैंकको स्वीकृती दिए पश्चात् नबिलको आगामी वार्षिक साधारणसभाले पारित गरेर सेयरधनीलाई वितरण हुनेछ। बैकले घोषणा गरेको लाभांश ५ वर्षयताकै न्यून हो।

प्रकाशित मिति: बिहीबार, मंसिर ७, २०८० ११:००

प्रतिक्रिया दिनुहोस्