सुनको मूल्य हालसम्मकै उच्च, तोलाको १ लाख ६ हजार ९ सय

मुख्य समाचार

गृहपृष्ठ
मुख्य समाचार

सुनको मूल्य हालसम्मकै उच्च, तोलाको १ लाख ६ हजार ९ सय

क्यापिटल नेपालबिहीबार, माघ १२, २०७९

काठमाडाैं । बिहीबार सुनकाे मूल्य प्रतितोला ७ सय रूपैयाँले बढेको हो । सुनचाँदी बजारमा आज छापावाल सुनको मूल्य प्रतितोला १ लाख ६ हजार ९ सय रूपैयाँ तोकिएको छ ।

यो नेपाली बजारमा कायम भएको सुनको हालसम्मकै उच्च मूल्य हो । अघिल्लो दिन प्रतितोला १ लाख ६ हजार २ सय कायम भएको छ ।

नेपाल सुनचाँदी व्यवसायी महासंघले सार्वजनिक गरेको विवरणअनुसार आज तेजाबी सुनको मूल्य प्रतितोला १ लाख ६ हजार ४ सय रूपैयाँ छ । यसको मूल्य अघिल्लो दिन १ लाख ५ हजार ७ सय थियो ।

त्यस्तै आज चाँदीको मूल्य अघिल्लो कारोबार मूल्यको तुलनामा रू १५ ले बढेर प्रतितोला १ हजार ३ सय ८० पुगेको महासंघले जनाएको छ । अन्तर्राष्ट्रिय बजारमा सुन तथा चाँदीको मूल्य बढेकाले यहाँको बजारमा त्यसको प्रभाव परेको महासंघका अध्यक्ष माणिकरत्न शाक्यको भनाइ छ ।

महासंघले अन्तर्राष्ट्रिय बजारमा हुने सुन तथा चाँदीको मूल्यका आधारमा दैनिक यहाँ कारोबार मूल्य तोक्दै आएको छ ।

प्रकाशित मिति: बिहीबार, माघ १२, २०७९ १३:१०

प्रतिक्रिया दिनुहोस्