झापामा खाद्य कम्पनीले किसानको धान किन्ने

मुख्य समाचार

गृहपृष्ठ
मुख्य समाचार

झापामा खाद्य कम्पनीले किसानको धान किन्ने

क्यापिटल नेपालबिहीबार, पुस ७, २०७९

झापा । खाद्य व्यवस्था तथा व्यापार कम्पनी लिमिटेड बिर्तामोडले किसानसँग धान खरिद गर्ने भएको छ । आगामी बुधबारदेखि किसानसँग भएको धान खरिद गर्ने कम्पनीले जानकारी दिएको छ ।

कम्पनीले मध्यम (सोना मन्सुली) धान प्रतिक्वीन्टल ३ हजार १ सय २८ र रञ्जित धान प्रतिक्वीन्टल ३ हजार १ सय २८ रूपैयाँमा खरिद गर्ने भएको हो ।

कार्यालय प्रमुख देवेन्द्र राईले किसानलाई समर्थन मूल्यमा धान खरिद गरिने जानकारी दिए । उनले धान तौलाइ, चौकाइसम्बन्धी सम्पूर्ण खर्च कम्पनीले नै व्यहोर्ने तर धानमा घुन, किरा नलागेको तथा अन्य बाह्य पदार्थ तथा अन्य धान नमिसिएको हुनुपर्ने बताए ।

धान सार्वजनिक बिदाबाहेक हरेक दिन बिहान १० बजेदेखि साँझ ५ बजेसम्म खरिद गरिनेछ । धान बिक्री गर्ने किसानले नागरिकताको प्रतिलिपि, सम्बन्धित वडा कार्यालयको किसान पहिचानको सिफारिसपत्र, गाउँपालिका, नगरपालिकाको कृषि शाखा वा कृषि ज्ञान केन्द्र कार्यालयको सिफारिसपत्र अनिवार्य ल्याउनुपर्ने व्यवस्था रहेको राईको भनाइ छ ।

केही दिनअघि धानको समर्थन मूल्य कार्यान्वयनको माग गर्दै किसानले कार्यालयमा तालाबन्दी गरेका थिए ।

प्रकाशित मिति: बिहीबार, पुस ७, २०७९ १३:३१

प्रतिक्रिया दिनुहोस्