सुनको मूल्य प्रतितोला २ सय रूपैयाँले बढ्यो

मुख्य समाचार

गृहपृष्ठ
मुख्य समाचार

सुनको मूल्य प्रतितोला २ सय रूपैयाँले बढ्यो

क्यापिटल नेपालआइतबार, मंसिर १२, २०७८

काठमाडौं । सुनको मूल्य आइतबार प्रतितोला २ सय रूपैयाँले बढेकाे छ। सुनचाँदी बजारमा साताको पहिलो कारोबार दिन आज छापावाल सुनको मूल्य प्रतितोला ९२ हजार १ सय रूपैयाँ तोकिएको छ । शुक्रबार प्रतितोला ९१ हजार ९ सय रूपैयाँमा कारोबार भएको थियाे ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला ९१ हजार ६ रूपैयाँ कायम भएको छ । शुक्रबार प्रतितोला ९१ हजार ४ सय रूपैयाँमा यसको कारोबार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १५ ले घटेर १ हजार २ सय १० रूपैयाँ तोकिएको महासङ्घले जनाएको छ । अन्तर्राष्ट्रिय बजारमा आज सुन प्रतिऔँस १ हजार ७९२ डलर आसपास कारोबार भइरहेको छ ।

प्रकाशित मिति: आइतबार, मंसिर १२, २०७८ १२:५०

प्रतिक्रिया दिनुहोस्