नेपालमा डेंगु संक्रमितको संख्या ९ हजार ८ सयभन्दा बढी

काठमाडौं- नेपालमा ९ हजार ८ सयभन्दा बढीमा डेंगु संक्रमण देखिएको छ। स्वास्थ्य तथा जनसंख्या मन्त्रालयकाअनुसार गत साउनदेखि सोमबारसम्ममा देशभर ९ हजार ८३५ जनामा डेंगु संक्रमण पुष्टि भएको हो।  

सबैभन्दा धेरै बागमती प्रदेशमा ७ हजार ४४० जनामा डेंगु संक्रमण भएको छ। यस्तै, लुम्बिनीमा १ हजार ३५६, प्रदेश १ मा ३२०, सुदूरपश्चिममा २७१, गण्डकीमा २०२, मधेश प्रदेशमा १८० र  कर्णाली प्रदेशमा ६६ जनामा डेंगु संक्रमण देखिएको छ।

नेपालमा पहिलो पटक २०६१ मा डेंगुका बिरामी देखिएको थियो।