भदौ ५ देखि ५० जिल्लामा बालबालिकालाई कोभिडविरुद्धको खोप लगाइँदै

काठमाडौं- सरकारले भदौ ५ गतेदेखि देशका ५० जिल्लामा ५ देखि १२ बर्ष उमेरका बालबालिकाका लागि कोभिडविरुद्धको खोप अभियान सञ्चालन गर्दैछ। स्वास्थ्य तथा जनसंख्या मन्त्रालयका अनुसार भदौ ५ देखि ११ गतेसम्म पहिलो मात्रा र भदौ २७ देखि असोज १ गतेसम्म दोस्रो मात्र खोप दिइनेछ। 

यसअघि २७ जिल्लामा सरकारले सो उमेरसमुहका बालबालिकालाई देखि खोप अभियान सञ्चालन गरिसकेको छ। 

कतिपय स्थानिय तहले खोपको उपलब्धता र सहजताका आधारमा खोप दिने भएकाले थप जानकारीका लागि नजिकैको वडा कार्यालय वा विद्यालयमा सम्पर्क गरी खोप लगाउन मन्त्रालयले अनुरोध गरेको छ।