कपिलवस्तुमा देखियो नयाँ र ठूलो सलहको झुण्ड, तीनओटा वडामा फैलिएकाे पुष्टि

कृषि

गृहपृष्ठ
कृषि

कपिलवस्तुमा देखियो नयाँ र ठूलो सलहको झुण्ड, तीनओटा वडामा फैलिएकाे पुष्टि

हरिप्रसाद शर्मा सोमबार, असार १५, २०७७

काठमाडौं । आइतबार साँझ कपिलबस्तुमा नयाँ र ठूलो सलहको झुण्ड भित्रिएको छ । यसअघि बारा र पर्सामा भित्रिएको भन्दा ठूलो झुण्डको सलह प्रवेश गरेको सलह सुचना केन्द्रका वरिष्ठ बाली संरक्षक अधिकृत रामकृष्ण सुवेदीले बताए ।

यो सलहको झुण्ड नेपालमा भित्रिएको सबैभन्दा ठूलो झुण्ड भएको उनले बताए । ‘हिजो बेलुका साँझ भारतको बोर्डर हुँदै कपिलवस्तुमा ठूलो सलह झुण्ड देखिएको खबर प्राप्त भएको छ’ सुवेदीले भने, ‘यो यसअघिको भन्दा ठूलो र नयाँ झुण्ड हो । बनमा बसेको भन्ने जानकारी आएको छ ।’ उनले भने ।

कपिलबस्तुकाे शिवपुर नगरपालिकामा उक्त सलह किरा भेटिएकाे हाे । यसबारे कृषि ज्ञान केन्द्रबाट प्राविधिक त्यसतर्फ जाँदैछन् । तीनओटा वडामा फैलिएको सलहले तत्काल क्षति नगरेको केन्द्र प्रमुख गोविन्द आर्यले बताए । यसबारे जिल्ला प्रशासन कार्यालयले आकस्मिक बैठक डाकेको छ ।

प्रकाशित मिति: सोमबार, असार १५, २०७७ १२:००

प्रतिक्रिया दिनुहोस्