२६० जना कोभिड संक्रमित थपिए

काठमाडौं– पछिल्लो २४ घण्टामा देशभर २६० जनामा कोरोना भाइरस संक्रमणको पुष्टि भएको छ।

स्वास्थ्य तथा जनसंख्या मन्त्रालयका अनुसार देशभरका प्रयोगशामा ३ हजार ८४४ नमुना परीक्षण गरिएको थियो। यससँगै कुल सक्रिय संक्रमितको संख्या ११ सय ७१ पुगेको छ।

बिहीबार काठमाडौं उपत्यकामा १६४ जना संक्रमित थपिएका छन्। काठमाडौंमा १३७, भक्तपुरमा चार र  ललितपुरमा २३ जना संक्रमित थपिएका हुन्। योसँगै उपत्यकामा सक्रिय संक्रमितको संख्या ८३१ पुगेको छ।

देशभरका ११ सय १७१ सक्रिय संक्रमितमध्ये १ हजार १४८ जना होम आइसोलेसनमा र २३ जना संस्थागत आइसोलेसनमा छन्। अस्पतालमा रहेकामध्ये १४ जना आईसीयूमा र एकजना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ।