नेपालले सिरिज जितेपछिको खुसी [तस्बिरहरू]

काठमाडौं– दीपेन्द्रसिंह ऐरीको सानदार अलराउन्ड प्रदर्शनमा नेपाल त्रिकोणात्मक टी २० आई सिरिजको च्याम्पियन बनेको छ। नेपालले फाइनलमा पपुवा न्युगिनीलाई ५० रनले हराउँदै अपराजित रहँदै त्रिकोणात्मक सिरिज जितेको हो।

नेपालले प्रस्तुत गरेको १ सय ६९ रनको विजयी लक्ष्य पछ्याएको पपुवा न्युगिनी १६.२ ओभरमा १ सय १८ रनमा अल आउट भयो। त्यसअघि टस हारेर ब्याटिङको निम्तो पाएको नेपालले निर्धारित २० ओभरमा ६ विकेट गुमाउँदै १ सय ६८ रन बनाएको थियो।

नेपालका दीपेन्द्रसिंह ऐरी ३८ बलमा ५ चौकासहित सर्वाधिक ५४ रनमा अविजित रहे। दीपेन्द्रले ३५ बलमा आफ्नो टी २० आई करिअरको पाँचौं अर्धशतक पूरा गरेका थिए। करण केसीले १२ बलमा ५ चौका र १ छक्कासहित ३३ रनमा अविजित रहे।