पेट्रोल पम्पमा नाकाबन्दीको झल्को दिने लाइन [फोटोफिचर]

काठमाडौं- काठमाडौंका पेट्रोलपम्पमा शनिबार बिहानैदेखि लामो लाइन देखिएको छ।

पेट्रोल अभाव हुन सक्ने त्रासले मोटरसाइकल तथा साना सवारी चालक पेट्रोलपम्पमा लाइन लागेका छन्।

नेपाल आयल निगमसँग विभिन्न माग राख्दै व्यवसायीहरूले पेट्रोलियम पदार्थको ढुवानी देशभर ठप्प बनाएपछि सवारी चालकहरूमा पेट्रोलियम पदार्थको अभाव हुने त्रास छाएको हो।

भारतबाट पेट्रोलियम पदार्थको नयाँ मूल्य सूची आएसँगै शनिबार बिहानैदेखि पेट्रोल पम्पहरूमा ठूलो लाइन देख्न सकिन्छ।

इन्डियन आयल कर्पोरेसनले शुक्रबार नेपाल आयल निगमलाई पठाएको नयाँ मूल्य सूची अनुसार पेट्रोलको मूल्य घटे पनि एलपी ग्यास, डिजेल, मट्टितेललगायतको मूल्य बढेको छ।