पीसीआर परीक्षण शुल्क सरकारीमा आठ सय र निजीमा १२ सय बनाइँदै

काठमाडौं– सरकारले कोरोना परीक्षणका लागि गरिने पीसीआरको शुल्क घटाउने तयारी गरेको छ।

यसका लागि स्वास्थ्य मन्त्रालयले डा. गुणराज लोहनीको संयोजकत्वमा समिति गठन गरेको छ। हालसम्म १ हजार रुपैयाँ सरकारी अस्पतालमा र २ हजार रुपैयाँ निजी अस्पतालमा पीसीआर शुल्क लिइँदै आएको छ। अब सरकारीमा ८ सय र निजी अस्पतालमा १२ सयसम्म बनाउन सकिने मन्त्रालय स्रोतले जनाएको छ।

मंगलबार संघीय संसद्को शिक्षा तथा स्वास्थ्य समितिको बैठकमा पनि स्वास्थ्य सचिव रोशन पोखरेलले पीसीआर शुल्क घटाउन लागिएको जनाएका थिए।