भारतबाट १५ बुलेट ग्याँस नेपाल भित्रियो, आजबाट ग्याँस सहज हुँदै

कर्पोरेट बजार

गृहपृष्ठ
कर्पोरेट बजार

भारतबाट १५ बुलेट ग्याँस नेपाल भित्रियो, आजबाट ग्याँस सहज हुँदै

हरिप्रसाद शर्माशनिबार, चैत १, २०७६

काठमाडौं । शनिबारदेखि ग्याँसको सहज आपूर्ति हुने भएको छ । खासगरी काठमाडौं उपत्यकामै नेपाल ग्याँसको आपूर्तिमै समस्या भएपछि आम उपभोक्ताले ग्याँस पाउन सकेका थिएनन् ।

ग्याँसमा देखिएको आपूर्ति समस्यालाइ बुझेर सरकारले भारतबाट १५ बुलेट नेपाल ग्याँस ल्याउन अनुमति दिएसँगै शनिबारदेखि ग्याँसको अभाव नहुने वाणिज्य तथा आपूर्ति सचिव डा. बैकुण्ठ अर्यालले बताए ।

उनले नेपाल ग्याँसका बुलेट नेपाल आइसकेकाले अव ग्याँसको आपूर्ति सहज हुने बताए । ‘नेपाल ग्याँसको सन्दर्भमा अलिकति समस्या देखिएको हो । त्यसले गर्दा अरु ग्याँसमा पनि चाँप परेको हो’ उनले भने, ‘हिजो र अस्ति गरेर हामीले नेपाल ग्याँसका लागि मात्रै १२ देखि १५ ओटा बुलेट भरिदिएका छौं । ती बुलेट नेपाल आइसकेका छन् । आजदेखि ग्याँसको अभाव हुदैन् ।’

नेपाल ग्याँसका लागि अधिकतम बुलेट ग्याँस भरिदिएका कारण पनि अव त्यति साहे समस्या नहुने अर्यालले बताए । काठमाडौं उपत्यकाभित्र ८० प्रतिशत उपभोक्ताले नेपाल ग्याँस नै उपयोग गर्दै आएका छन् ।

नेपाल ग्याँसको ढुवानीकर्ता कमजोर हुँदा पनि आपूर्ति व्यवस्थापन समस्या देखिएको सरोकारवाला बताउँछन् ।

व्यापारीले पनि स्टक राखेर कृत्रिम अभाव सिर्जना गर्ने र उपभोक्ताले पनि अनावश्यक ग्याँस मौज्दात तथा सञ्चय गर्दा ग्याँसको अभाव भएको थियो । यसअघि सरकारले उपभोक्तालाइ ग्याँस अनावश्यक सञ्चय नगर्न अपिल समेत गरेको थियो । नेपालमा खपत हुने सम्पूर्ण एलपी ग्याँस भारतबाटै आयात भइरहेको छ ।

यसअघि भारतीय नाकाबन्दीका बेला नेपालमा ग्याँसको चरम अभाव भएको थियो ।

प्रकाशित मिति: शनिबार, चैत १, २०७६ ११:५५

प्रतिक्रिया दिनुहोस्