स्टार्टअप उद्यम कर्जा प्रवाहमा छानिए ६६२ कम्पनी

उद्योग

गृहपृष्ठ
उद्योग

स्टार्टअप उद्यम कर्जा प्रवाहमा छानिए ६६२ कम्पनी

क्यापिटल नेपालसोमबार, वैशाख २२, २०८२

काठमाडौं। चर्चामा रहँदै आएको स्टार्टअप उद्यम कर्जाका रुपमा पहिलोपटक ६६१ परियोजना छनौट भएका छन्। औद्योगिक व्यवसाय विकास प्रतिष्ठानले करिब १ अर्ब बराबर रकमले कर्जा प्रवाह गर्ने लक्ष्य राख्दै यी कम्पनी छनौट गरेको हो।

जसमध्ये २५ प्रतिशत निक्षेप तथा कर्जा सुरक्षण कोषमा जम्मा गर्नुपर्ने छ। स्टार्टअप उद्यम कर्जा सञ्चालन कार्यविधिमा उल्लेख भएअनुसार बाँकी रकम कर्जा प्रवाह हुनेछ।

जसमा उद्यमीहरूले पाँच लाखदेखि २५ लाख रुपैयाँसम्म कर्जा लिन पाउने छन्। छनोटमा परेका परियोजना योग्य छन् वा छैनन् भन्ने विषयमा बैंकले निरीक्षण गर्ने र त्यसपछि कर्जा प्रवाह हुने भएको हो।

१०७३ वटा परियोजनाले दिएका थिए प्रस्तुतीकरण प्रतिष्ठानले २०८१ भदौ ११ गते दोस्रो चरणको स्टार्टअप उद्यमहरूलाई सहुलियतपूर्ण कर्जा प्रवाहका लागि प्रस्ताव पेस गर्न आह्वान गरिएको थियो।

कर्जा प्राप्त गर्न चाहने कम्पनीले सूचना प्रकाशन भएको ४५ दिनभित्र आवश्यक कागजातसहित तोकिएको बैंकमा उपस्थित हुने पर्दछ। जसका लागि व्यवसायी दर्ता वा नवीकरणको प्रमाण पत्र, प्यान वा भ्याटको प्रमाण पत्र, उद्यमीको नागरिकतालगायत प्रमाण पत्र रहेका छन्।

प्रकाशित मिति: सोमबार, वैशाख २२, २०८२ २१:३५

प्रतिक्रिया दिनुहोस्