टाइगर-३ : ज्यान बनाउँदै सलमान खान

पछिल्लो केही दिनयता बलिउडमा अभिनेता सलमान खानको नयाँ फिल्म ‘टाइगर-३’ को चर्चा छ। ‘एक था टाइगर’ र ‘टाइगर जिन्दा है’ पछि सलमान यो फिल्मको तेस्रो सिरिजको तयारी गरिरहेका छन्।

दैनिक भास्करको समाचारअनुसार यो फिल्मको सुटिङ चाँडै सुरु हुँदैछ। सुटिङको पूर्वसन्ध्यामा सलमानले सार्वजनिक गरेको एक भिडियो अहिले सामाजिक सञ्जालमा भाइरल भइरहेको छ।

भिडियोमा सलमान यो फिल्मका लागि जिममा एक्सरसाइज गर्दै गरेको देख्न सकिन्छ। इन्स्टाग्राममा भिडियो सेयर गर्दै सलमानले लेखेका छन्, ‘मलाई लाग्छ, यो मान्छे ‘टाइगर ३’ का लागि ट्रेनिङ गरिरहेको छ।’

खबर अनुसार यो फिल्ममा सलमानका अलावा इमरान हाशमी र कैटरीना कैफ पनि प्रमुख भूमिकामा देखिँदैछन्। मनिष शर्माले निर्देशन गर्ने यो फिल्म अर्को वर्ष रिलिज हुने तयारीमा छ।