प्रधानमन्त्री र युएईका उपप्रधानमन्त्रीबीच सिंहदरबारमा भेट, के भयाे छलफल?

राजनीति

गृहपृष्ठ
राजनीति

प्रधानमन्त्री र युएईका उपप्रधानमन्त्रीबीच सिंहदरबारमा भेट, के भयाे छलफल?

क्यापिटल नेपालबुधबार, वैशाख १०, २०८२

काठमाडौं। प्रधानमन्त्री केपी शर्मा ओली र संयुक्त अरब इमिरेट्स (युएई) का उपप्रधानमन्त्री एवं विदेशमन्त्री शेख अब्दुल्लाह बिन जायेद अल नाह्यानबीच शिष्टाचार भेटवार्ता भएकाे छ। बुधबार प्रधानमन्त्री तथा मन्त्रिपरिषद्को कार्यालय सिंहदरबारमा उनीहरुबीच भेटवार्ता भएको हाे।

भेटमा दुई देशबीचको आपसी मित्रवत् सम्बन्धका विविध पक्षका साथै व्यापार र लगानीका विषयमा छलफल भएको बताइएकाे छ। प्रधानमन्त्री ओलीले विकासको मार्गमा युएईले गरेको तीव्र प्रगतिको प्रशंसा गर्दै नेपालमा जलविद्युत्, हरित ऊर्जा, हाइड्रोइनर्जीलगायत क्षेत्रमा लगानी विस्तारका लागि आग्रह गरे।

उपप्रधानमन्त्री नाह्यानले युएईका व्यवसायीलाई नेपालको पर्यटन, ऊर्जा, कृषिलगायत क्षेत्रमा लगानी विस्तारका लागि प्रोत्साहन गर्ने बताए। नेपालको दुई दिने भ्रमणका लागि मंगलबार काठमाडौं आएका उनले नेपालसँग स्वतन्त्र व्यापार सम्झौता गर्न आफूहरू तत्पर रहेको उल्लेख गरे।

प्रकाशित मिति: बुधबार, वैशाख १०, २०८२ १७:३५

प्रतिक्रिया दिनुहोस्