प्रभु बैंकका सिईओ शेरचनलाई सर्वोच्चको साथ, तेस्रो कार्यकाल पूरा गर्न पाउने आदेश

बैंकिङ

गृहपृष्ठ
बैंकिङ

प्रभु बैंकका सिईओ शेरचनलाई सर्वोच्चको साथ, तेस्रो कार्यकाल पूरा गर्न पाउने आदेश

क्यापिटल नेपालबुधबार, वैशाख ३, २०८२

काठमाडौं। सर्वोच्च अदालतले प्रभु बैंकका प्रमुख कार्यकारी अधिकृत (सिईओ) अशोक शेरचनलाई साथ दिएको छ। योसँगै शेरचनले बैंकको सञ्चालक समितिको नियुक्तिअनुसार २०८३ माघसम्म काम गर्न पाउने भएका छन्।

शेरचनले आफ्नो कार्यकाल पूरा गर्नुपर्ने मागसहित सर्वोच्चमा रिट दायर गरेका थिए। उक्त रिटमा न्यायाधीश तिलप्रसाद श्रेष्ठको एकल इजलासले शेरचनको पक्षमा आदेश दिएको हो।

२०७१ माघमा पहिलोपटक चार वर्षका लागि सिईओमा नियुक्त भएका थिए। दोस्रो कार्यकाल २०७५ मा भएको थियो भने तेस्रो कार्यकालका लागि २०७९ मा नियुक्ति पाएका थिए।

बैक तथा वित्तीय संस्थासम्बन्धी ऐन २०६३ ले बैंकको सिईओको एक कार्यकाल चार वर्ष हुने र दुई पटक मात्रै बन्न पाउने व्यवस्था गरेको छ। सोही व्यवस्थामा टेकेर अधिवक्ता अनिता थापाले उच्च अदालत पाटनमा रिट दायर गरेकी थिइन्।

उक्त रिटमाथि सुनुवाई गर्दै उच्च अदालत पाटनले शेरचनले वैशाख ९ गतेसम्म मात्रै काम गर्न पाउने आदेश दिएको थियो। त्यसपछि शेरचनले सर्वोच्चमा पुगेका थिए।

प्रकाशित मिति: बुधबार, वैशाख ३, २०८२ १५:४२

प्रतिक्रिया दिनुहोस्