राष्ट्र बैंकले थप ३० अर्ब रुपैयाँ खिच्दै

बैंकिङ

गृहपृष्ठ
बैंकिङ

राष्ट्र बैंकले थप ३० अर्ब रुपैयाँ खिच्दै

क्यापिटल नेपालआइतबार, चैत ३१, २०८१

काठमाडौं। नेपाल राष्ट्र बैंकले बैंकिङ प्रणालीबाट एकै दिन ३० अर्ब रुपैयाँ खिच्ने भएको छ। बजारमा तरलता बढेपछि बैंकले निक्षेप संकलन उपकरण बोलकबोलमार्फत आजबाट ३० अर्ब रुपैयाँ बराबर तरलता खिच्न लागेको हो।

बैंकले २१ दिनका लागि निक्षेप संकलन उपकरण बोलकबोल तथा निष्काशन गर्ने जनाएको छ। बैंकले आज दिउँसो ३ बजे बोलकबोलको समय तोकेको छ।

निक्षेप संकलन दरमा स्थायी निक्षेप सुविधा दिएको राष्ट्र बैंकले निक्षेप संकलन उपकरण बोलकबोलमार्फत पनि तरलता खिचिरहेको छ। बोलकबोल हुने निक्षेप संकलन उपकरणको सावाँरब्याज आगामी बैशाख २१ गते भुक्तानी हुनेछ।

निक्षेप संकलन उपकरणको ब्याजदर बोलकबोलबाट तय हुनेछ। बोल गर्न सकिने रकम न्यूनतम १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म हुनेछ। बोलकबोलमा राष्ट्र बैंकबाट इजाजतप्राप्त ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउने छन्।

प्रकाशित मिति: आइतबार, चैत ३१, २०८१ १२:२८

प्रतिक्रिया दिनुहोस्