पानी परेपछि दाउन्ने सडक खण्ड अवरुद्ध, सयौं यात्रु अलपत्र

पूर्वाधार

गृहपृष्ठ
पूर्वाधार

पानी परेपछि दाउन्ने सडक खण्ड अवरुद्ध, सयौं यात्रु अलपत्र

क्यापिटल नेपालबिहीबार, चैत २८, २०८१

काठमाडौं। पानी नपर्दा धुलाम्य हुने पूर्व पश्चिम राजमार्गअन्तर्गत बुटवल–नारायणगढ खण्डअन्तर्गतको दाउन्ने सडक पानी परेसँगै बाटो हिलो र चिप्लो हुँदा अवरुद्ध भएको छ।

पूर्वी नवलपरासीको विनयी त्रिवेणी गाउँपालिका–२ दाउन्ने सडक खण्डमा वर्षाको कारण बाटो हिलो र चिप्लो भई सवारी साधन आउजाउ गर्न नसक्दा राजमार्ग अवरुद्ध भएको हो।

दाउन्ने खण्डमा कालोपत्रे सडक खनेर विस्तारको काम भइरहेको अवस्थामा आज बिहान परेको वर्षाले सडक हिलाम्य हुँदा सवारी सञ्चालन अवरुद्ध भएको जिल्ला ट्राफिक कार्यालयका प्रहरी प्रमुख प्रहरी निरीक्षक जनक बन्जाराले बताए।

सडक अवरुद्ध हुँदा अहिले सयौं सवारी साधन र यात्रु बीच सडकमा अलपत्र परेका छन्। दाउन्ने क्षेत्रमा बुधबारदेखि चैत ३१ सम्म दिनको ११ देखि ३ बजेसम्म सवारी आवागमन बन्द गरेर मर्मत सुरु गरिएको छ।

आगामी वैशाख १ देखि १५ गतेसम्म राती ११ देखि बिहान ५ बजेसम्म आवागमन रोकेर विस्तारको काम गरिने नारायणगढ–बुटवल सडक निर्माण योजनाले जनाएको छ।

प्रकाशित मिति: बिहीबार, चैत २८, २०८१ ११:१८

प्रतिक्रिया दिनुहोस्