पञ्चकन्या समूहद्वारा कविता नेपालीलाई एभरेष्ट र लोत्से आरोहण गर्न आर्थिक सहयोग

कर्पोरेट बजार

गृहपृष्ठ
कर्पोरेट बजार

पञ्चकन्या समूहद्वारा कविता नेपालीलाई एभरेष्ट र लोत्से आरोहण गर्न आर्थिक सहयोग

क्यापिटल नेपालसोमबार, चैत २५, २०८१

काठमाडौं। पञ्चकन्या समूहले साहसिक कार्यलाई सशक्त बनाउने प्रतिबद्धतास्वरुप कविता नेपालीले चैत ३० देखि सुरु गर्ने एभरेष्ट र लोत्से हिमाल आरोहणका लागि आर्थिक सहयोग उपलब्ध गराएको छ।

फिटनेस आइकन र कलाकारसमेत रहेकी नेपालीलाई दुई हिमाल आरोहणका लागि संस्थागत सामाजिक उत्तरदायित्वअन्तर्गत पञ्चकन्या समूहले आर्थिक सहयोग गरेको कम्पनीका प्रबन्ध निर्देशक प्रदीपकुमार श्रेष्ठले बताए। सन् २०१८ मा बुगी वुगी इन्टरनेसनल नृत्य प्रतियोगिता तथा चिनियाँ मार्सल आर्टमा समेत सफलता प्राप्त गरिसकेकी कविताले अब हिमालयमा नयाँ पुस्ता र नेपाली महिलाको शक्तिलाई साकार पार्ने कम्पनीको विश्वास छ।

पञ्चकन्या समूहले लामो समयदेखि विभिन्न विशिष्ट क्षेत्रमा नयाँ उचाइ चुम्न प्रयासरत नेपाली महिलालाई निरन्तर सहयोग गर्दै आएको छ। यो समूहले सन् २०१३ मा माउन्ट किलिमान्जारोमा आरोहण गर्ने सेभेन समिट्स महिला टोलीले कम्पनी सुरुआतको ४०औं वार्षिकोत्सव अवसरमा सार्वजनिक ब्यानर सो हिमालको चुचुरोमा पुर्याएको थियो।

एभरेष्ट आरोहण गर्ने अठोट राखेका साहसी नेपाली महिला निशा अधिकारी, डा. प्रीति भुसाल तथा व्यावसायिक पत्रकारिता गर्ने हिम्मतिला पाँच नेपाली महिला पत्रकारले नेपाललाई विश्वमञ्चमा प्रतिनिधित्व गर्दै देशको गौरव राख्न भूमिका खेलेको कम्पनीको भनाइ छ।

अन्तर्राष्ट्रिय महिला दिवस विशेष कार्यक्रमबीच घोषणा गरिएको यो प्रायोजनले दीर्घकालीन प्रभाव सिर्जना गर्नेमा पञ्चकन्या समूहको विश्वासलाई मूर्त रूप दिने विश्वास कम्पनीको छ।

प्रकाशित मिति: सोमबार, चैत २५, २०८१ १०:५८

प्रतिक्रिया दिनुहोस्