संक्रमणकालीन आयोग पदाधिकारी छनोट प्रक्रियामा सुझाव माग

समाज

गृहपृष्ठ
समाज

संक्रमणकालीन आयोग पदाधिकारी छनोट प्रक्रियामा सुझाव माग

क्यापिटल नेपालशनिबार, चैत २३, २०८१

काठमाडौं। बेपत्ता पारिएका व्यक्तिको छानबिन आयोग र सत्य निरुपण तथा मेलमिलाप आयोगको अध्यक्ष तथा सदस्यको नाम सिफारिस समितिले पदाधिकारी छनोट प्रक्रियाका बारेमा आफ्ना राय सुझाव उपलब्ध गराउन आग्रह गरेको छ।

समितिको आजको बैठकले ती आयोगका अध्यक्ष तथा सदस्यको नाम सिफारिससम्बन्धी छनौट प्रक्रिया, २०८१ को मस्यौदामा सार्वजनिक रूपमा राय, प्रतिक्रिया माग गर्ने निर्णय भएको जनाएको छ।

सोही निर्णयका आधारमा आप्ना राय सुझाव पठाउन आग्रह गरिएको समितिका प्रवक्ता डा. लीली थापाले जानकारी दिइन्।

समितिले तयार पारेको मस्यौदा बेपत्ता पारिएका व्यक्तिको छानबिन आयोग र सत्य निरुपण तथा मेलमिलाप आयोगको वेबसाइट र कानुन न्याय तथा संसदीय मामिला मन्त्रालयको सूचनापाटीमा समेत प्रकाशन गरिएको जनाएको छ।

मस्यौदामाथि चैत २६ गतेभित्र आफ्ना सुझाव पठाउन सकिने उल्लेख छ।

प्रकाशित मिति: शनिबार, चैत २३, २०८१ ०६:३४

प्रतिक्रिया दिनुहोस्