दाङमा बढ्यो राजस्व संकलन

अर्थतन्त्र

गृहपृष्ठ
अर्थतन्त्र

दाङमा बढ्यो राजस्व संकलन

क्यापिटल नेपालमंगलबार, चैत ५, २०८१

काठमाडौं। आन्तरिक राजस्व कार्यालय तुलसीपुरले चालु आर्थिक वर्षको सात महिनामा १ अर्ब ४२ करोड राजस्व संकलन गरेको छ। अघिल्लो आर्थिक वर्षको तुलनामा २६ करोड बढी राजस्व संकलन भएको राजस्व कार्यालय प्रमुख श्रीधर टन्डनले जानकारी दिए।

चालु आवको माघ मसान्तसम्म लक्ष्यको ८२ दशमलव ५० प्रतिशत राजस्व संकलन गरिएको उनको भनाइ छ। कार्यालयले चालु आर्थिक वर्षमा १ अर्ब ७२ करोड ८७ लाख राजस्व संकलन गर्ने लक्ष्य लिएको छ।

आन्तरिक राजस्व कार्यालय दाङको कार्यक्षेत्र दाङसहित रोल्पा, रुकुमपूर्व, रुकुम पश्चिम, सल्यान र प्युठान जिल्ला रहेको छ। सल्यानमा करदाता सेवा कार्यालयसमेत रहेको छ। जसले रुकुम पूर्वी भाग र रुकुम पश्चिममा सेवा प्रदान गर्दै आएको छ।

तुलसीपुर कार्यालयमार्फत दाङका १० स्थानीय तह र रोल्पाका तीन स्थानीय तहमा सेवा प्रवाह गर्दै आएको छ। पटक-पटक छुटको अफर आउँदा पनि कर तिर्न नआउने गरेको प्रमुख टन्डनले बताए। उनका अनुसार फागुन मसान्तसम्म शूल्क, ब्याज र जरिवाना छुट गरिएको थियो।

आयकर ऐन, बमोजिम आर्थिक वर्ष समाप्त भएको तीन महिनाभित्र आन्तरिक राजस्व कार्यालयमा आय विवरण पेश गर्नुपर्ने व्यवस्था छ।

प्रकाशित मिति: मंगलबार, चैत ५, २०८१ १७:०१

प्रतिक्रिया दिनुहोस्