काठमाडौं। नेपालको पहिलो राष्ट्रिय ईस्पोट्र्स च्याम्पियनसिप आजदेखि १० गतेसम्म दशरथ रंगशालामा सुरु भएको छ। यो प्रतियोगितामा नेपालका उत्कृष्ट ईस्पोट्र्स खेलाडी पब्जी मोबाइल, मोबाइल लेजेन्ड्सः ब्यांग ब्यांग, ई-फुटबल लगायतका ६ प्रमुख ई-गेमिङ टाइटलमा प्रतिस्पर्धा गरिरहेका छन्।
नवीनतम प्रविधि र नवचारको अगुवाइ गर्ने सामसङ यस ऐतिहासिक इभेन्टको प्रमुख भाग बन्न पुगेको छ। जहाँ प्रोफेसनल गेमरले हालै मात्र सार्वजनिक गरिएको ग्यालेक्सी एस २५ अल्ट्रामा प्रतिस्पर्धा गरिरहेका छन्। प्रतियोगिताको ई-फुटबल ग्रान्ड फिनाले सामसङ ग्यालेक्सी एस२५ अल्ट्रामा खेलिने छ।
यस इभेन्टमा दर्शकका लागि सामसङ एक्सपिरिएन्स जोनहरू पनि उपलब्ध छन्। जहाँ दर्शकले सामसङका नवीनतम उपकरण र विशेष गरी ग्यालेक्सी एस२५ सिरिजलाई, प्रत्यक्ष रूपमा अनुभव गर्न सक्ने छन्।
“सामसङ सधैँ उच्च-प्रदर्शनयुक्त उपकरणहरू प्रदान गर्दै मोबाइल गेमिङ अनुभवलाई नयाँ स्तरमा पुर्याउन प्रतिबद्ध छ। जसले गर्दा खेलाडीले कठिन गेमप्लेका दौरान कुनै अवरोध बिना प्रतिस्पर्धा गर्न सक्नेछन्। नेपालको ईस्पोट्र्स क्षेत्र तीव्र गतिमा अघि बढिरहेको छ। सामसङ यो यात्रामा नेपाली गेमरलाई यो नयाँ प्रविधिको साथ सहयोग गर्न पाउँदा गर्व गर्छ,’ सामसङ नेपालका निर्देशक, प्रणय रत्न स्थापितले भने।
ईस्पोट्र्स प्रतिस्पर्धा मात्र नभई यो इभेन्टमा दर्शकको मनोरञ्जनका लागि वाङ्देन शेर्पा, कुमा सागर जस्ता चर्चित कलाकारको संगीतात्मक प्रस्तुति तथा फुड स्टल, इन्टरएक्टिभ एक्सपिरियन्स जोन र विभिन्न मनोरञ्जनात्मक कार्यक्रमसमेत समावेश गरिएका छन्।
