ओडिसा घटनाबारे कूटनीतिक पहल गर्न प्रचण्डको आग्रह

राजनीति

गृहपृष्ठ
राजनीति

ओडिसा घटनाबारे कूटनीतिक पहल गर्न प्रचण्डको आग्रह

क्यापिटल नेपालसोमबार, फागुन ५, २०८१

काठमाडौं। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले भारतको ओडिसामा भएको घटनाका विषयमा यथार्थ विवरण सार्वजनिक गर्न र विद्यार्थीको सुरक्षाका लागि कूटनीतिक पहल गर्न सरकारसँग आग्रह गरेका छन्।

उनले भारतको ओडिसास्थित कलिङ्गा इन्स्टिच्युट अफ इन्डस्ट्रियल टेक्नोलोजी (केआइआइटी)को छात्राबासमा एक नेपाली छात्राको मृत्यु भएको र नेपाली विद्यार्थीलाई होस्टेलबाट निकालिएको समाचारले गम्भीर बनाएको उल्लेख गरे।

मृतक विद्यार्थीप्रति श्रद्धाञ्जली अर्पण तथा परिवारजनमा गहिरो समवेदना व्यक्त गर्दै अध्यक्ष दाहालले आज सामाजिक सञ्जालमार्फत भने, 'घटनाको यथार्थ विवरण सार्वजनिक गरी निष्कासित विद्यार्थीको सुरक्षाका लागि तत्काल कूटनीतिक पहल गर्न सरकारसँग आग्रह गर्दछु।'

प्रकाशित मिति: सोमबार, फागुन ५, २०८१ १९:२०

प्रतिक्रिया दिनुहोस्