काठमाडौं। भारतीय वित्तमन्त्री निर्मला सीतारमणले २०२५/२६ का लागि पेस गरेको संघीय बजेटमा पोहोरकै रकम बराबरको अनुदान नेपालले पाउने भएको छ।
आज सार्वजनिक भारतको संघीय बजेटकाे विदेशी सहायत शीर्षकअन्तर्गत राखिएको बजेटमा नेपाललाई ७०० करोड भारु अनुदानस्वरुप उपलब्ध गराइने भएको हो।
याे वर्ष विदेशी सहायता शीर्षकमा ५४ अर्ब ८३ करोड बजेटबजेट विनियोजन गरिएको छ, जुन अघिल्लो वर्षको तुलनामा ५८ अर्ब ६ करोडले कम हो।
भारतले गत आर्थिक वर्षमा नेपालका लागि अनुदान वृद्धि गरेको थियो। आर्थिक वर्ष २०२३/२४ मा ६५७.३८ करोड (भारु) छुट्याएकामा त्यसलाई बढाएर २०२४/२५ मा ७०० करोड (भारु) पुर्याएको थियो। अहिलेकाे बजेटमा पाेहाेरकै अनुदानले निरन्तरता पाएकाे हाे।
अहिलेको भारतीय बजेटले नेपाललाई गत वर्ष उपलब्ध गराएको अनुदानलाई निरन्तरता दिएको हो।
भारतले यसपटकको बजेटमा विभिन्न देशलाई दिइएको अनुदान सहयोगमध्ये भुटानलाई सबैभन्दा धेरै २ हजार १५० करोड भारु छुट्टाएको छ। भुटानको बजेट यस पटक भने घटेको छ।
भारतले अफगानिस्तानलाई गत वर्ष दिएको ५० करोड अनुदानलाई बढाएर १०० करोड भारु पुर्याएको छ। यस्तै, बंगलादेशलाई १२० र श्रीलंकाका लागि ३०० करोड भारु बजेट छुट्टाइएको छ।
मालदिभ्सलाई दिँदै आएको बजेट यसपटक बढाएको छ। मालदिभ्सका लागि गत आर्थिक वर्ष ४७० करोड भारु छुट्टयाइएकामा यसपटक ६०० करोड भारु पुर्याइएको छ।
-1741480500.jpg)
