टर्कीएको होटलमा आगलागी हुँदा ७६ जनाको मृत्यु, कति थिए होटलमा पाहुना?

अन्तर्राष्ट्रिय

गृहपृष्ठ
अन्तर्राष्ट्रिय

टर्कीएको होटलमा आगलागी हुँदा ७६ जनाको मृत्यु, कति थिए होटलमा पाहुना?

क्यापिटल नेपालबुधबार, माघ ९, २०८१

काठमाडौं। उत्तरपश्चिम टर्कीएको एउटा होटलमा भीषण आगलागी हुँदा मृत्यु हुनेको संख्या कम्तिमा ७६ जना पुगेको छ। घटनामा ५१ जना घाइते भएका छन्।

टर्कीएका गृहमन्त्री अली येर्लिकायाले मारिनेमा धेरै बालबालिका रहेको जानकारी दिए। अधिकारीले अहिलेसम्म ५२ जनाको मृत्यु भएको पहिचान गरेका छन्।

सीएनएनका अनुसार पीडितमध्ये १० देखि ११ वर्षका धेरै बालबालिका थिए। घटनापछि गृहमन्त्रीले पत्रकार सम्मनेलनमा भने, “हामी गहिरो पीडामा छौँ। दुर्भाग्यवश यस होटलमा भएको आगलागीमा हामीले धेरैको ज्यान गुमाएका छौँ।”

टर्कीए सरकारले होटलमा भएको आगलागीमाथि अनुसन्धान सुरु गरेको छ। न्याय मन्त्री यिलमाज टुन्च र आन्तरिक मन्त्री अली येर्लिकायाका अनुसार कम्तिमा ९ जनालाई पक्राउ गरिएको छ। आगलागी हुँदा करिब २३४ जना पाहुना होटलमा थिए।

प्रकाशित मिति: बुधबार, माघ ९, २०८१ १५:५५

प्रतिक्रिया दिनुहोस्