अमेरिकासँग इजरायलले आठ अर्ब डलरको हतियार खरिद गर्दै

अन्तर्राष्ट्रिय

गृहपृष्ठ
अन्तर्राष्ट्रिय

अमेरिकासँग इजरायलले आठ अर्ब डलरको हतियार खरिद गर्दै

क्यापिटल नेपालसोमबार, पुस २२, २०८१

काठमाडौं। अमेरिकी विदेश विभागले इजरायललाई आठ अर्ब डलर बराबरको हतियार बेच्नलाई अनुमोदन गर्ने आफ्नो योजनाबारे शुक्रबार कांग्रेसलाई जानकारी गराएको छ।

दुई वटा कांग्रेस कमिटीमा पठाइएको सूचनाअनुसार प्रस्तावित बिक्रीमा बम, लडाकु विमान, मिसाइल तथा जीपीएस निर्देशन प्रणाली समावेश छ।

एक अमेरिकी अधिकारीले भने, ‘कांग्रेसले स्वीकृति दिए हतियारसहित केही युद्धक सामग्री डेलिभर गर्न सकिन्छ।’ यो प्याकेजले राष्ट्रपति जो बाइडेनको प्रशासनमा इजरायललाई अन्तिम हतियार बिक्री चिन्ह लगाउन सक्छ।

यसैबीच, इजरायली सेनाले शनिबार गाजा पट्टीमा ३० अलग अलग आक्रमणमा कम्तिमा ७० प्यालेस्टाइनीलाई मारेको छ। इजरायलका रक्षामन्त्री इजरायल काट्जले गाजामा बन्दी बनाएकालाई फिर्ता गराउन सम्बन्धित पक्षसँग वार्ता भइरहेको बताए।

सन् २०२३ अक्टोबर ७ देखि हमासले इजरायलमा ठूलो आतंकवादी आक्रमण गरेको थियो। हमासद्वारा विदेशी नागरिकसहित १२ सयभन्दा बढी व्यक्तिको हत्या, बलात्कार तथा २५० भन्दा बढी बन्धकलाई अपहरण गरिएको थियो।

प्रकाशित मिति: सोमबार, पुस २२, २०८१ १३:१५

प्रतिक्रिया दिनुहोस्