परराष्ट्रमन्त्री राणा भारतमा, प्रधानमन्त्री ओली भ्रमणबारे छलफल हुने चर्चा

राजनीति

गृहपृष्ठ
राजनीति

परराष्ट्रमन्त्री राणा भारतमा, प्रधानमन्त्री ओली भ्रमणबारे छलफल हुने चर्चा

क्यापिटल नेपालबिहीबार, पुस ४, २०८१

परराष्ट्रमन्त्री भएलगत्तै भारत भ्रमणमा गएका बेला प्रधानमन्त्री नरेन्द्रदास मोदीसँग भेटवार्ता गर्दै आरजु राणा देउवा। फाइल तस्बिर

काठमाडौं। परराष्ट्रमन्त्री डा.आरजु राणा देउवा भारतको नयाँ दिल्ली पुगेकी छन्। परराष्ट्रमन्त्री भएपछि आरजुको यो दोस्रो भारत भ्रमण हो। विमानस्थलमा भारतस्थित नेपाली दूतावासका अधिकारी तथा भारतीय विदेश मन्त्रालयका अधिकारीले उनको स्वागत गरेको परराष्ट्र मन्त्रालयले जनाएको छ।

जर्मनीबाट नयाँ दिल्ली पुगेकी राणाले पुस ५ मा नेपाल समसामयिक अध्ययन केन्द्र र भारतको फाउन्डेसन फर इकोनोमिक ग्रोथ एन्ड वेलफेयर (एग्रो) को आयोजनामा हुने सम्मेलनलाई सम्बोधन गर्ने बताइएको छ।राणाले समकक्षी एस.जयशंकरसँग भेट्ने बुझिएको छ।

राणाले निम्तो नदिएपछि चीन भ्रमण (मंसिर १७–२०) गरेका प्रधानमन्त्री केपी शर्मा ओलीको भारत भ्रमणबारे पनि छलफल गर्ने बताइएको छ।
यसअघिको भारत भ्रमणका बेला राणालाई प्रधानमन्त्री नरेन्द्र मोदी, सुरक्षा सल्लाहकार अजित डोभाल, विदेशमन्त्री एस.जयशंकरलगायतले भेटेर महत्त्व दिएको चर्चा राजनीतिक वृत्तमा थियो।