सरकारले सय दिनमा सुनाउन याेग्य काम गर्न नसकेकाे उपप्रधानमन्त्री सिंंहद्वारा स्वीकार, धरहरा खुलाएकाे मुख्य सफलता

पूर्वाधार

गृहपृष्ठ
पूर्वाधार

सरकारले सय दिनमा सुनाउन याेग्य काम गर्न नसकेकाे उपप्रधानमन्त्री सिंंहद्वारा स्वीकार, धरहरा खुलाएकाे मुख्य सफलता

क्यापिटल नेपालआइतबार, कात्तिक ४, २०८१

काठमाडौं। उपप्रधान एवं सहरी विकास मन्त्री प्रकाशमान सिंहले मन्त्रालय सम्हालेको १०० दिनसम्म उल्लेख्य काम गर्न नसकेको बताएका छन्।

आइतबार मन्त्रालयमा पत्रकार सम्मेलन गर्दै १०० दिन बिते पनि सुनाउन योग्य काम गर्न नसकेको उनलेे स्वीकारेका हुन्। "सहरी विकास मन्त्रालयमा कामको प्रगति देखिन समय लाग्ने भएकाले अहिले यो काम गरेँ भन्ने अवस्था छैन" उपप्रधानमन्त्री सिंहले भने।

यद्यपि सहरको विकासका लागि आवश्यकताअनुसार नीती, नियम बनाउन आफु लागिरहेको उनको भनाइ छ। तर, मन्त्री भएसँगै राखेका ११ वटा लक्ष्यमध्ये १० वटा मात्रै पूरा गर्न सकेको उनको दाबी छ। जसमा धरहरा खुलाउनेदेखि भैसेपाटीमा मन्त्री आवास निर्माण, दमक व्यापारिक कम्प्लेक्स, चितवन सौराहा सभाहलको भवन निर्माणलगायत काम गरेको बताइएको छ।

त्यस्तै आम सन्चारमाध्यमहरूले बिग्रेको, भत्केको विषयलाई मात्रै नभइ सहरी विकास मन्त्रालयले गरेको सकारात्मक कामलाई पनि प्राथमिकता दिएर उजागर गर्न उनले आग्रह गरेका छन्।

प्रकाशित मिति: आइतबार, कात्तिक ४, २०८१ ११:१३

प्रतिक्रिया दिनुहोस्