अपि पावरबाट घोषित लाभांश वितरणमा रोक

सेयर

गृहपृष्ठ
सेयर

अपि पावरबाट घोषित लाभांश वितरणमा रोक

क्यापिटल नेपालबिहीबार, असोज १०, २०८१

काठमाडौं। अपि पावर कम्पनीले घोषणा गरेको लाभांश वितरण गर्न नपाउने भएको छ। विद्युत् नियमन आयोगले कम्पनीको लाभांश अस्वीकृत गरेसँगै लाभांश वितरणमा रोक लागेको हो।

कम्पनीले नगद लाभांश वितरण गर्ने निर्णय गरी स्वीकृतिका लागि भदौ ९ गते आयोगमा निवेदन दिएको थियो।

निवेदनसाथ प्राप्त कागजात अध्ययन गर्दा आयोगले कम्पनीको आर्थिक वर्ष २०८०÷८१ को लेखापरीक्षणबाट अनरियलाइज्ड गेनलाई खुद मुनाफामा देखाई लाभांश वितरणको सन्दर्भमा स्पष्ट तथ्यासहित जवाफ पेस गर्न निर्देशन दिएको थियो।

कम्पनीले आफ्नो स्वामित्वको वित्तीय उपकरण तथा लगानीलाई बजार मूल्यमा प्रस्तुत गरेको र सो बजार मूल्यको थपघटलाई नाफा नोक्सान हिसाब अथवा अन्य विस्तृत आम्दानीमा लेखांकन गर्न पाउने स्पष्ट व्यवस्था भएबमोजिम गरिएको जवाफ आयोगमा पठाएको थियो।

यस्तो कार्य कम्पनी ऐन, २०६३ को दफ ५६ को उपदफा (१०) ल वर्जित गरेको हुँदा कम्पनीको लाभांश स्वीकृत नगरिएको आयोगले कम्पनीलाई पठाएको पत्रमा उल्लेख छ।

कम्पनीले गत आर्थिक वर्ष २०८०÷८१ को खुद नाफाबाट सेयरधनीलाई ९ प्रतिशत बोनस सेयर र कर प्रयोजनका लागि ०.४७३७ प्रतिशत नगद गरी कुल ९.४७ प्रतिशत लाभांश वितरण गर्ने प्रस्ताव गरेको थियो।

प्रकाशित मिति: बिहीबार, असोज १०, २०८१ १२:५३

प्रतिक्रिया दिनुहोस्