नेप्से ३००० बिन्दुमा पुग्दा सेयर कारोबारमा नयाँ रेकर्ड, बैंकिङ समूहमा चमक

सेयर

गृहपृष्ठ
सेयर

नेप्से ३००० बिन्दुमा पुग्दा सेयर कारोबारमा नयाँ रेकर्ड, बैंकिङ समूहमा चमक

क्यापिटल नेपालबिहीबार, साउन ३१, २०८१

काठमाडौं। सेयर कारोबारमा अर्को नयाँ रेकर्ड कायम भएको छ। साताको कारोबारको अन्तिम दिन बिहीबार २९ अर्ब ३० करोड रुपैयाँ बराबरको कारोबार हुँदै नयाँ रेकर्ड बनेको हो। गएको सोमबार अर्थात् साउन २८ मा भएको २६ अर्ब ८० करोडको रेकर्ड ब्रेक गर्दै बिहीबार नयाँ रेकर्ड बनेको हो।

अघिल्लो कारोबार दिन बुधबार २३ अर्ब १६ करोड रुपैयाँ बराबरको कारोबार भएकोमा बिहीबार भने २९ अर्ब बढीको कारोबार भएको हो।

बिहीबार सेयर बजार सूचक नेपाल स्टक एक्सचेञ्ज (नेप्से) पनि ४३.०५ अंक अर्थात् १.४५ प्रतिशतले बढेर ३०००.८१ बिन्दुमा बन्द भएको छ। अघिल्लो कारोबार दिन बुधबार भने नेप्से ८.१८ अंकले घटेर २९५७.७५ बिन्दुमा बन्द भएको थियो।

बिहीबार कारोबार आएकामध्ये १०५ कम्पनीको सेयर मूल्य बढ्दा १३७ कम्पनीको घटेको छ। यस्तै, १ कम्पनीको सेयर मूल्य भने स्थिर छ। आज बैंकिङ समूहमा लगानीकर्ताको सर्वाधिक आकर्षण देखिएको छ।

बिहीबार बैंकिङ समूहको सेयर मूल्य ५.६५ प्रतिशतले बढ्दा लगानी समूह २.६९ प्रतिशतले बढेको छ। फाइनान्स समूहको सेयर मूल्य ३.०५ प्रतिशतले घट्दा उत्पादन समूहको सेयर मूल्य १.७३ प्रतिशतले घटेको छ।

बिहीबार बुटवल पावर कम्पनी, राष्ट्रिय बिमा कम्पनी र मोदी इनर्जीको सेयर मूल्यमा सकरात्मक सर्किट लाग्दा चार कम्पनीको सेयर मूल्य ९ प्रतिशत बढीले वृद्धि भएको छ। यस्तै, नेपाल फाइनान्सको सेयर मूल्य १० प्रतिशतले वृद्धि भएको छ।

प्रकाशित मिति: बिहीबार, साउन ३१, २०८१ १५:११

प्रतिक्रिया दिनुहोस्